تأبر تسبدي
03-07-2022 - 09:33 pm
السلام عليكم
مبروك عليكم الاجازة يا اهل الرياض
ماقمت الا قبل شوي
صح بدنكم
وودي اشوف وضع الشرقية
تنصحوني اسافر لها ؟؟؟
للمعلومية
اتصلت على شقق مفروشة زبون عندهم كنت اخذ الشقة ب 160 ريال
واليوم يقول : 450 ريال !!!
كيف الاجواء بالشرقية ؟؟ والزحمه كيفها ؟؟
وتنصحون ب مكة والا نقضب ارضنا بس
مبروك عليكم الاجازه وش عليكم كل شهرين إجازه ماشاء الله
والله يحييكم بالشرقيه وإن ماشالتكم الشق تشيلكم الخيام في البر
وعموما الجو لطيف جدا وحليو مائل للبروده مساء مع تحيات حسن كراني
والكورنيش توي فار فيه قبل شوي قليل جدا اللي فيه من البرد اغلب الناس
في المخطط اللي مقابل الكورنيش وشابين نار ويتدفون اما النهار الجو حلو
مائل للحراره ظهرا رجع بو كره اما الزحمه فارض الله وسيعه وبتشيل
الجميع والله فيه كباري وشوارع مقفله ولكن اهم شي الصدور وسيعه تديور فيها تريله
اما اسعار الشقق والله ماعندي عنها اي فكره ونصيحه اقضبوا ارضكم ابرك لكم