وعليكم السلام ورحمة الله وبركاته ...
بيت الجسرة .. الوصول له سهل جدا ... بالأخص اذا انتوا جايين من السعودية عالجسر ...
يعني بعد ما تخلصون من الجسر وتدخلون البحرين ... تاخذون أول مخرج .. يطلعكم على الشارع .. بعدها تتبعون اللوحات الإرشادية اللي مكتوب عليها (الجسرة) ... وتدخلون قرية الجسرة ..بتلاقون بيت الجسرة بعد ما تدخلون القرية بشوي ...
ولا تنسون تزورون مركز الجسرة للحرف اليدوية .. دامكم واصلين هناك ...
وهذا رابط فيه خرائط توضيحية .. شوفوا الخارطة الخامسة:
وحياكم الله ..

يا هلا أخوي مثل ما تفضلت اختي الغالية بيت الجسرة يعتبر من أقرب المناطق السياحية البحرينية إلى جسر الملك فهد وهو قريب جداً ، حيث بعد ما تنزل من جسر الملك فهد تاخذ أول مخرج إلى اليمين وتركب تلقائياً فوق جسر يوجد في أعلاه تقاطع من إشارة ضوئية ، اخذ هذي الإشارة إلى الأمام ، وبعدها راح يكون طريق فرعي ( مسار رايح ومسار ياي ) وواصل هذا الطريق إلى الأمام مباشرة بعد حوالي كيلومتر ونصف راح تصادف دوار ، أخذ الدوار إلى الأمام وبعد حوالي 100 متر دوار ثاني ، بعد استمر في التقدم إلى الأمام وراح تكون في بداية منطقة زراعية كثيفة راح تلاحظ بعد حوالي 200 متر منعطف فرعي إلى اليسار ( ذي التقاطع متمثل بمدخل بيت الجسرة ) ,..
..
بيت الجسرة من المرافق التراثية البحرينية الجميلة ، يحتوي على عدة غرف ومرافق في البيت ، وفيه ولد حاكم البحرين الراحل الشيخ عيسى بن سلمان آل خليفة في ثلاثثينات القرن الماضي ..
..
ولا تنسى أخوي إنك تكتب مذكراتك حول البيت بعدما تخلص ، والمذكرات عبارة في دفتر كبير جداً مقسم على جدول فيه عدة أقسام منها الاسم والتاريخ والغرض من الزيارة وشغلات مثل هذي ..
وأوقات سعيدة ..
..

ياحبي للبحرين وأهلها الطيبين
الأخت الغالية وكذلك الأخ بحريني غير
الف شكر لكم ماقصرتو وصف واضح جدا اسأل الله لكم التوفيق .