السلام عليكم ورحمة الله وبركاته
بالعكس المك وايد غالي عندنا لكن ارخص مكان لبيع المك هو سوق السمك على طريق سلوى الدولي واي واحد جاي قطر عن طريق البر اذا مشى سيده راح يمر على دوار السوق المركزي بجانب الدوار سوق السمك وافضل وقت للشراء بعد صلاة الفجر حيث يبدأ المزاد واذا كان هذا الوقت غير مناسب تقدر تروح الفتره الصباحيه وقاصصهم في السعر لانهم ممكن ينزلون من السعر

دوار السوق المركزي
يعني اذا كنت جاي من ابو سمرة كم دوار أعديهم لاني ما اعرف الا دوار سباير اللي تحت كبر الصناعية حتى أوصل الدوار اللي تقول عنه

الله يجزيهم خير الأخوان ماقصروا بالرد , وعن الأسعار فهي تختلف على حسب الجو , يعني ممكن تحصل الهامور ب25ريال للكيلوا في حالة عدم وجود رياح قوية ويصل ل50 ريال للكيلوا عند تغير الجو , اما الشعري فسعره نسبياً رخيص ويكون سعره في الحالات العادية من 8-10ريال ويصل 15 ريال غند تغير الجو .
وان كنت ترغب في شراء كمية كبيرة للتصدير فذلك غير مسموح لأنه هناك كمية محددة لك مشتري (لا أعلم كم بالضبط) ويمكنك التأكد من مفتشي مركز أبوسمرا الحدودي عن الكمية .
وأن أستطعت شراء كمية كبيرة فأنه سيتم مصادرتها بمركز أبوسمرا , لذلك عليك اخذ الحيطة والحذر .
تحياتي لك وسفرة موفقة بأذن الله .

أماكن الشراء المناسبة
عندك سوق السمك
وعندك الكورنيش - فيه مكان ترسو المراكب فيه (حلو أسعارهم ويكون طازج أحسن من سوق السمك)

كم سعر اشعري هاليومين

يسعد مساك
لما رحت قطر بشهر يناير الماضي رحت سوق السمك قريب طريق سلوى جنب سوق الخضار المركزي .. بحب اطبخه فرش وكانت الاسعار منها المتوسط ومنها الرخيص.