اولا عزيزتي اتمنى ان الاخوان يساعدونج اكثر مني
اولا انا ماعرف اذا الطلاب المبتعثين لهم الحق في استرجاع التاكس لن صديقتي قطريه وزوجها مبتعث للعمل وهي معاه وداشين بفيزه عمل قالت مو من حقنا نسترجع التاكس
فأنا مش عارفه اذا انتي نفس الشي
المهم طريقه استرجاع التاكس
1- يتم تجميع جميع الفواتير مع التأكد ان كل محل بتشترين منه ياخذ تاكس على المشتريات
2- بعدين يتم فرز جميع الفواتير كل فاتورة على حدا يعني ماركس سبنسر بروحه ونكست بروحه وهاردز بروحه وهكذا
3- في اخر السفره وقبلها بكم يوم بعد ما تضبين الشنط وتقولين خلاص كفايه تسوق ومشتريات تروحين كل محل وتودين معاج الباسبور وتطلبين من كل محل تاكس فري بيعطونج ضروف او اوراق تثبت كم هو المبلغ المسترد .
4- عند الذهاب للمطار ولو كنتي على ترمينل 3 بتلقين اشاره كبيره مكتوب عليها تاكس فري اهنيه توقفين في الطابور الي دائما ايكون مليان مليان واختناق والشنط معج
5- اخيرا تقدمين الاوراق لو قالوا لج انتي روحي وعطينا رقم للكرديت وبنطرش لج للفلوس على للكرديت تحملي تقولين اوكي حطي في بطنج بطيخ صيفي انهم مابيطرشون لج المبلغ والافضل استلامها كاش عشان تحسين بالراحه والطمأنينيه ان المبلغ المسترد في شنطتج الجديده الي من الطبع شاريتها من هارودز وبتكون من ماركه ديور وطبعا ديور حلاتها تكون متروسه فلوس

اثوري
أنتي كدا
إضافه أخيره إذا سمحتوا لي ..إذا رحتوا للمحل عشان اتسوون التاكس فري أكدوا عليه يكتب على التاكس فري أنهم أيردون لكم المبلغ كاش في المطار ( بنط ينطح بنط )

اذا رحت فرضا محل زي بيربري
او قوتشي وغيره ؟ينفع التاكس ؟

sugar_91
ايه ينفع التاكس ليه ما ينفع ؟؟؟ ... scott

ممكن تشروحون لي :$

ايه يعني انت عزيزي لما تشتري من غوتشي بمبلغ 1000 باوند قولهم ابي تاكس فري بيرجع لك تقريبا 200 باوند نفرض يعني انت تستلم هالمبغ من المطار اول ماتوريهم التاكس

اخواني صدقوني التاكسي فري هذا بالنسبة لي صارت خدعه كبيره
انا عن نفسي شريت اكثر من خمسين الف ريال قطري من محلات مشهورة في لندن
نيكست وماركس سبينسر وهارودز وغيرها من المحلات المشهورة في الاكسفورد
وفي الاخير كم عطوني في التاكسي فري
عطوني 700 باوند فقط انا ماصدقت لو ادري ماجمعت هالفواتير كلها
وبخصوص طريقتها فطريقتها سهله جداا
كل مادخلتوا محل مشهور اسألوهم سؤال بريئ جداا
قولوا لهم هل تقبلون التاكسي فري لاقالولكم ايه
اشتروا وتسوقوا على راحتكم
واجمعوا كل الفواتيير اللي من المحل خلوها معاكم قبل مااتسافرون بيومين
روحوا لنفس المحل وعطوهم الفواتير عند الكاشير وقولوا لهم ابي تاكسي فري
ويفضل اتجيبون جوازكم معاكم او جواز اللي بياخذ التاكسي فري
ولا وصلتوا المطار ومعاكم فواتير كل محل فيها التاكسي فري
روحوا لحرف السي او C بتحصلون فيه اول ماتدخلونه على يمينكم مكان التاكسي فري
مب مكتوب عليه تاكسي فري مكتوب عليه شي نسيت شنو مكتوب
بس هو لوحته صفراء ويكون على يمينكم اول ماتدخلون المطار من حرف السي
جيبوا معاكم الشنط خلوهم يشوفونها وعطوهم التاكسي فري واذا فيه بيانات ناقصه بيقولون عبوها
وعقب بيعطونكم الفلوس وهم على فكرة اذا ماعندهم فلوس كاش بيقولون لكم بنطرشها على الفيزا مالتكم
بعد شهرين فالافضل تاخذونها كاش وقولولهم انكم ماعندكم فيزا
لاكن اذا اصروا ماعندهم الشكوى على الله عطوهم رقم الفيزا اللي متكونه من 16 رقم او 14 رقم ماادري
تحياتي لكم

اثوري
.
.
المعتاد من دول أوروبا الباقيه أنهم يعطوني ورقة التاكس وأنا أعبيها بكل شي حتى برقم الجواز بدون ما
أرجع مره ثانيه للمحل !!!
يعني لندن تختلف وإلا أنا فاهمه غلط ؟؟!!!

لا صح كلامج حبيبتي بعنود الرياض بس انا عشان اختصر الكلام ماكتبت لاان في المحل هم بنفسهم بيقلون لج كتبي معلوماتج بس ماركس وهارودز هم يكتبون المعلومات بنفسهم
قطري اسباني الا با سألك يعني لازم رقم الفيزا مايصير اعطيهم رقم حسابي الجاري