مرحبا
اولا : يجب ان تكون المشتروات اكثر من 40 باوند
ثانبا : يجب الاحتفاظ بالفواتير الاساس و ترفق مع فاتورة التاكس فري والتى تطلبها من كل محل يتم الشراء منه .
ثالثا : يجب ان تكون المشتروات معك وليس بالشحن و ممكن ان يطلب استعراضها امامه .
رابعاً : التاكس فري يتراوح اعتقد بين 9 الى 18% من قيمة الفاتوره .
خامساً : يدخل التاكس فري في المشتروات كالهدايا و خلافه و لا يدخل بها المطاعم او تذاكر وسائل الموصلات .
سادساً : مكتب التاكس فري موجود في صالة المغادره و يجب ان تكون الرحله الى خارج بريطانيا و خارج الاتحاد الاوروبي حتى يتم الصرف او تضل معاك حتى تخرج من اخر دوله من الاتحاد الاوروبي .
سابعا : يفضل استلام المبلغ كاش اضمن من طلبهم اعادته الى بطاقة الائتمان ماعدا اذا كانت مشترواتك بالبطاقه او طلب ان تكون الاعاده للبطاقه عند استفسار مبيعات المحلات .
ثامنا : يجب ان تكون المشتروات اقل من ثلاث اشهر من تاريخ الفاتوره .
هذي مجرد اجتهادات مني حسب خبرتي
والتاكس فري حق من حقوقك يكفلها القانون ويجب ان تكون حريص عليها ومن يترفع عنها ممكن ياخذها و يحولها لي
ههه
اتمنى ان اكون قدمت شي مفيد و السلام

هلا بك اخوي .. من المفترض .. انك طلبت من كل محل شريت منه هدايا .. ((( اكواب تيشرتات ميداليات .. والخ )) وايضا جميع محلات الملابس والجزم .. (( الكماليات )) باكثر من 50 باوند تاكس فري
يعني اي محل تشتري منه باكثر من 50 باوند تقوله ابي التاكس فري .. يعطيك زي الفاتوره فيها اشياء تعبيها وفيها
رقم الجواز والدوله .. والخ ..!!
وبعدها تتوجه في صالة المغادره .. مكتب حق التاكس فري عموما ماراح تضيع .. لان اي موظف تساله في المطار بيدلك ..
وانا لما اخذت التاكس فري ماطلبو مني لا الشنط ولا شيء .. فقط طلبو الريسيت الي هو الفاتوره والتاكس فري معه ..
اي سؤال حنا بالخدمه

بالنسبه لى موظفه هندية الاصل ( اسيويه بشكل عام ) طلبت استعرض جميع الاغراض و كنت احلم منها و استعرضنا كل الاغراض وردت صاغره 64 باوند تاكس فري مع ان الاغراض لاتذكر و بالمقابل مره ثانيه كان معي اغراض غاليه قلت اخذها معي بالطياره بالشنطه يدويه ( طبعاً غير العطور المحظور حملهن بالطائره برفقة الراكب معدى اقل من 20ملل ) خايف عليهن من خدمات المطار و خاصه مطارنا العزيز تنسرق او تظيع بسبب بنقالي و كان موظف الكاونتر انجليزي اعطيته جميع الفواتير و اوراق التاكس فري و رد لى بالحال مبلغ 620 باوند لان اغلب الاغراض شنط ( هدايا و وصايا ) ماركات وغاليه وبدون ما يطلب اي شي منهن .

اضافة بسيطه على كلام الأخوان
ايضا ملابس الأطفال ماعليها تاكس فري
و مثل ماقالوا تقدر تاخذ فلوسك كاش بالمطار و هو طبعا الأفضل و ممكن يحطونها لك بالكردت كارد
واذا الفواتير تحتوي على مبالغ تاكس فري صغيره جدا بعد ممكن تجمعهم وتطلب منهم يحطونها لك بالكردت كارد
وما طلبو يشوفون اي شي من مشترياتي
و تقبل مروري

لبي قلبك ياقطر
مدري اعتقد ملابس الماركات عليها كنى اتذكر ان ملابس من بولو و بربري و اعطوني عليها تاكس فري مجرد انها الفاتوره تجاوزت 40 باوند
ودي تتأكد لاني مو متذكر حيل

السلام عليكم ورحمة الله وبركاتة .....انا يا اخوان الاسبوع اللي فات راحع من لندن ...... التاكس فري على كل شي وبعض المحلات ما تشترط ان تكون المشتروات اعلى من او باوند تعطي التاكس فري على اي مبلغ بس فقط ملابس الاطفال والماكولات ما عليها تاكس فري اقصد بالماكولات مثل تشتري نص كيلو شاي من هارولدز مثلا ........الخ
وشكرا

مشكورين جميعا
فعلا مريت على المحلات وكلها كانت تشترط فوق 40 او 50 باوند وملابس الاطفال لاتحسب
وقمت بتعبئة الاستمارة والاسترجاع يكون بالمطار