حياك الله في الطايف
يافهيم
روح يمين مع المخرج قبل الكبري وخليك طوالي
انت الان في طريق المؤتمرات وهو امتداد طريق الملك فهد الدائري " الخط الدايري "
راح تقابلك كذا اشارة يمكن اشارتين وفلشر برضه خليك سيده معاها بس بعد ماتفتح ؟؟
بعد ثاني اشارة انت في بداية طريق الملك فهد الدائري
هنا مربط الفرس بعد الاشارة الثانية تجيك لوحة مكتوب فيها الهدا يمين مع المخرج وقبل الكبري
روح مع المخرج يمين
انت الان في طريق الهدا .... الف مبروك
طبعا طريق الهدا يوصلك لعقبة كرا ومنها لمكة
وان شاء الله توصل بالسلامة ... بس انتبه من طريق العقبة وخليك مهدي كثير خاصة مع اللفات
عرفت ليش ماخذ الطايف كبري ههه
افلقني اذا حفظت الشرح خ

فارس السفر
يعطيك الصحة والعافيه . . . ويرزقك ( البكر ) اللي تدفيك
يبيلنا على هالبرد في الطايف يوم في الروحه ويوم في الرجعه
الله ييسر لك امرك ويسهل لك

ادلك على شرح اسهل؟؟...
اتبع اللافتات وتوصل ان شاء الله
تحياتي لك وللاخ "فارس السفر"

السلام عليكم
فارس والله لحست مخي ياهوه!!!ههه
الرجال مايعرف الطائف يعني حاول توصف برواقه
طيب انا أبي أوصف وصف
ممكن أطول بس أسهل للجدد عن عروس المصايف
(والميدان ياحميدان)
حبيبي أبو نهار انت ليش ماخذ الطائف كوبري؟؟؟ههه
طيب مردوده حبيبي عموماً:
رح على طول إلى ان تدخل بداية الطائف وإحسب معاي
أول إشاره عديها
ثاني إشاره أدخل يمين
أوكي؟؟
انت الحين في قلب الطائف بجانب برج العبيكان
واحسب معاي
أول إشاره عديها
ثاني إشاره عديها وخليك مع الخط
ثالث إشاره عديها يجيك كوبري ومكتوب طريق الهدا من هنا....
إدخل يمين وعلى الهدا بالتوفيق