شيخ المعاني
كيف الحال ؟
هلا فيك
الله يجزيكم الخير عندي كذا استفسار
من خلال متابعتي لتقارير الاعضاء عرفت ان كيرلا منطقه خضراء وفيها انهار وشلالات تستحق الزياره
انا وصديق لي نبحث عن نفس هالاماكن اللي فيها استجمام ومتعه
1 - وين الاماكن في كيرلا تستحق الزياره ؟
مونار ..تكدي..كوماركوم..كوفلام..غير العاصمه كوتشين طبعا
2 - فنادق او منتجعات نظيفه ومواقعها مميزه ؟
مونارمونتين كلوب او كلوب ماهاندر،،، تكدي قرين وودز او سبايس فيلج..كوماركوم زوري،، كوفلام ليلا كمبنسكي. كوتشين رمادا
3 - مده الرحله 7 ايام بأذن الله . كم تقريبا يكون المصروف مع السكن والاكل والتنقلات الخ لشخص مده 7 ايام ؟
بعد الاتفاق مع مكتب او منسق لرحلتكم بيحجز لكم السكن مع الفطور وخذو بعد العشاء افضل. وبيحجز لكم السايق . ماراح يتبقى لكم الا الفيزا والتذاكر وصرف اليد وماراح تكلف ان شاء الله خصوصا انكم شباب
4 - شو البرامج اللي متوفره وتستحق الزياره لها ؟
طبيعه خلابه. سفاري في تكدي. ركوب الفيله. رحلات بالقوراب جوا البحيرات. زيارة المحميه في تكدي. وزيارات لمزارع الهيل وبساتين الورد .. واقرى التقارير وفيها كل شي ماشاء الله
5 - اهم سؤال . اي الاشهر يكون الجو جو خيالي . يكون مغيم مع امطار خفيفه
؟
سفرتنا كانت في نهاية 7 هجري وكان الجو خيال تمطر وتوقف ومونار جوها بارد يرد الروح
6 - معالم سياحيه تستحق الزياره
في كل منطقه شي يستحق الزياره لخصها الاعضاء في تقاريرهم انت بس اقرى شوي وبتعرف. بعد السواق هناك هو المرشد وبياخذكم لكل مكان
الله يجزيكم الجنه ان شاء الله
واياك يارب وحاضرين لاي استفسار
اتمنى الرد على اسألتي
حياك الله وارجع اقولك تفرج على التقارير وبتلاقي اللي يريحك ان شاء الله

الله يجزيج الجنه اختي
فيج الخير وما قصرتي

ماسوينا شي واذا عندك اي استفسار احنا بالخدمه..

السلام عليكم ورحمه الله وبركاته
بخصوص المكتب او جدول الرحله ممكن المساعده بهالنقطه ؟
ابي مكتب خدمته طيبه وتعاملهم طيب او جدول من عندكم
ما شاء الله تقارير الاعضاء فيها الخير
بس ليت اللي عنده معلومات غفلت عنها او اي نصيحه

المكتب انا تعاملت مع جهاد( جت واي مليبار هوليديز)
البرنامج انت الايام عنك قليله مره لكن نقول
ا لوصول كوتشين منتجع رمادا يوم
اليوم الثاني والثالث والرابع مونار يعني ليلتين،,في الفندق اللي يريحك
الرابع والخامس يعني ليله في تكدي في منتجع قرين وودز او سبايس فيلج
الخامس والسادس يعني ليله في كوماركوم منتجع زوري
السادس والسابع يعني ليله في كوفلام منتجع ليلا كمبنسكي
وتكون العوده من مطار ترافندام

ان شاء الله بطوله مدة القعده وبرجع للموضوع
يزاج الله خير