لا والله البرد هني مو قارس مثل الكويت، بالعكس انا اوصفه "جو عليل" ، بالنسبة للكبار عادي بس بالنسبة للأطفال يفضل سويترات "جاكيتات مو وايد ثقيلة" واكيد السوكس وجوتي الرياضة هو أنسب شي لهم، الجو بس يبرد بليل ولكن الظهيرة حتى مافي داعي سويتر، فقط قمصان بكم طويل.
بالنسبة بالنسبة للسنترات الي فيها تسوق وبنفس الوقت اماكن للعب الأطفال تقدر تروح "سيتي سنتر" أو "مركز البهجة" والمجمعين قريبين من بعضهم.
اما بالنسبة لفعاليات مهرجان مسقط فجزء كبير منها راح يكون في حديقة القرم الطبيعية، الجو بيكون حلو والقريات المتنوعة بتكون بادية فعالياتها "القرية التراثية والسحر والعروض المسرحية والغنائية والحيوانات والأزياء والمرأة الخ الخ"
حدائق الصحوة بيكون فيها عروض الشخصيات الكرتونية و عروض الدفاع المدني والقرية التعليمية والمعارض،
ممكن تشوف كل الفعاليات واوقاتها وتواريخها في موقع مسقط فستفل دوت كوم،تم تحديث الموقع مؤخرا
مطاعم الوجبات السريعة في كل الاحياء التجارية، واكيد المطاعم الأخرى ايضا منتشرة، عادة في الفنادق يوزعون في الغرف كتيب "ولكم تو عمان" يسجل لك كل المطاعم واسعارها واذا كانت تناسب العوائل والا لا
تمنياتي لك برحلة موفقة

مرحبا اخوي,,
الجو هل الفترات يكون بارد,, بس ما اعتقد يوصل للكويت
بس حاليا خصوصا في هل السنة,, نسبة الجو متغيرة جدا
ولا احد يتوقع التغيرات في الطقس,,
نصيحتي اخذ ملابس معتدلة,, ولا تكثروا من الملابس الثقيلة,,
الاماكن في مسقط تختلف من مراكز ومولات,,
الى مطاعم راقية,,
ومن ثم معالم البلد اللي لا يستغني عنها الزائر
لي عودة بعد تجميع معلومات دقيقة,,
بالتوفيق

اهلا وسهلا فيك اخوي
الجو معتدل والحمدلله أقل برود من الكويت .... بخصوص اماكن الزيارة افضل انك تطلع على المواضيع الاخرى في نفس المنتدى أما بالليل راح يكون عندك مهرجان مسقط ويفضل تتمشى في حديقة القرم الطبيعية ... وحدائق الصحوة وشاطي العذيبة
اذا حبيت تاخذ فكرة عن فعاليات مهرجان مسقط تقدر تدخل موقع بلدية مسقط عالرابط التالي
http://www.muscat-festival.com/

مرحبا بك في ديرتك الثانية

اشكركل من كلاسيك87
الدوحاني
الطيران العماني
على تواصلكم الرائع وما قصرتوا

السلام عليكم
مثل ما ذكروا اخواني من قبلي و خاصة الاخ الدوحاني .. الجو في مسقط معتدلمب مثل برد الكويت .. يعني بالكثير اذا انخفضت درجة الحرارة في الليل راح تكون من 16-17 درجة ..
اما بخصوص الاماكن في مسقط .. فأنت ان شاء الله الفترة اللي رح تجي فيها رح تكون فترة مهرجان مسقط ..
يعني رح تكون هنالك الكثير من الفعاليات و المهرجان يبدا بتاريخ 21 يناير .. و بإمكانك الاطلاع على فعاليات المهرجان من خلال الموقع اللي وضعه الاخ الدوحاني ..
و غير المهرجان و فعالياته .. انصحك بزيارة سوق مطرح اذا كنت من محبي الاسواق الشعبية
و اذا على المجمعات التجارية فأنصحك بمسقط سيتي سنتر و مركز البهجة في منطقة الموالح في مسقط ..
كذلك بإمكانك الذهاب للمنطقة التجارية بمنطقة القرم ..
و اتمنى قبل ما تجي مسقط تراسلني عالخاص عشان اقوم بالواجب معك اول ما توصل ان شاء الله ..
و مرحبا بك في بلادك الثانية ..

مشكور ه اختي مسقطيه على المعلومات القيمه
اخوي عماني عز وفخر ما قصرت هذا من طيب اصلك وهالشي موغريب عليكم يا اهل عمان

أمس كانت امطار حلوه في مسقط
عموما الجو في في مسقط وايد حلو ومعتدل

مشكورين على التواصل الرائع
حبيت اسأل عن فندق golden oasis اشلون مستواه ؟ درجه نظافته ؟ موقعه ؟ جديد ولا قديم ؟
على فكره الفندق مكانه في الوادي الخبير اشرايكم تنصحوني فيه ؟