رابط الحجز لو سمحتم
علشان يصير سهل الواحد يبدي رأيه لكم

يعطيك العافيه غ رغبتك في مساعدتي
حاولت احط اللنك لكن ما يصير لان عضوه جديده اعتبر ( مع ان صارلي سنين اتابع المنتدى الرائع )
ع العموم ،،
عن طريق بوكينق تقدر تحصله
Chalet Dacha
النمسا
انتظر رايك وراي البقيه ،،

هذا رابطه
https://www.booking.com/hotel/at/chalet-dacha.ar.html?aid=1300939
على حسب ماقرأت عنه في بوكينج أشوفه مناسب جدا

مشكور اخوي ما قصرت
بس شايله هم نقطة مافي تنظيف .. لازم 100 ريال للساعه
هل برايك السعر مناسب
ومعناتها يجيبون احد ينظف
اقصد مو مثل الفنادق ضمان اعتقد ..
ولا انت شرايك ؟

ماأدري من وين جبتي سالفة 100 ريال لكل ساعه
اللي مكتوب في موقع بوكينج الاتي
يُرجى الملاحظة أن السعر لا يشمل رسوم التنظيف النهائي الإلزامية، ويجب دفعها في الفندق مباشرة:

• ل1-5 أشخاص: 150 يورو
• ل 6-10: 170 يورو

وهذا اللي صار علي أيضا بشاليهات دروف بكابرون
كانت رسوم التنظيف أجباريه
حتى لو كان الشاليه نظيف
والسالفه أن هالشقق او الاكواخ او البيوت يتعاقدون مع ناس ينظفون
بسعر متفق بينهم
لذلك كما هو واضح من الشرط اللي بينكم
أن التنظيف يكون بعد ماتخرجون يعني أذا طلعتم
وعلى عدد الأشخاص يكون السعر
يُرجى الملاحظة أن السعر لا يشمل رسوم التنظيف النهائي الإلزامية، ويجب دفعها في الفندق مباشرة:

• ل1-5 أشخاص: 150 يورو
• ل 6-10: 170 يورو

أخوي ،،
أنا ارسلت لصاحب الشاليه ايميل
وهو خبرني ان سعر التنظيف للساعه 20 يورو
بس الحين قصدك بدفع الرسوم النهائيه + رسوم التنظيف اليومي؟
اذا بهالطريقه بيطلع علي وايد !!
لازم خلال هالثلاث ايام ارسله العربون لتاكيد الحجز ..
محتاره ..
شو تشورون علي ..

أنا اقصد سعر التنظيف النهائي
وهو واضح بالرساله التي أقتبستها من بوكينج وكتبتها في ردي
بالنسبه لسالفة ساعة التنظيف
يمكن قصدههم لما قالو لك كذا
أنك لو طلبتي تنظيف للشقه خلال أقامتكم يعني مثلا بعد اليوم الثاني وأنت اقامتكم خمس أيام مثلا
فأكيد أنهم ماراح ينظفونها لكم بلاش
لذلك المتعارف عليه في الأكواخ والشقق
أنه يوجد سعر تنظيف ألزامي عند الخرج والتشك أوت
وهو كما هو موضح أنه 150 يورو اذا كنتم خمس أشخاص أو أقل
وهي كما هو واضح في موقع بروكينج غير شامله في قيمة ايجار الكوخ

اختي الله يبارك فيكي ..
مثل ما وضح الاخ وليد .. سعر التنظيف يكون الزامي على حسب موقع بوكينج بعد نهاية الاقامة .. بالنسبة للسعر اللي افادوكي فيه عن طريق الايميل اعتقد اذا رغبتي تنظيف الشاليه اثناء اقامتك ..