كل من زار هالكهف يقول انه ما يستاهل الزياره
لبعد المسافه والبرد والتعب والظلام
ممكن توضح للشباب وجهة نظرك من واقع التجربه لان فيه من معاه اطفال
وشكرا

كل شخص له وجهه نظر
بالنسبة لي
بالعكس
تجربية حلوة وفوق الرائعة
يكفي انه شي جديد
والمكان مش بعيد
احنا سكنا في منطقة ساليز بيرق
ومن هنا ترتب عليه انه زرنا الكهف
وانا قلت في الموضوع من البداية الرحلة فيها تعب كبير
بالنسبة لنا احنا لانا ما تعودنا على المشي
بس بالنسبة للاجانب كان شي عادي
وفية مجموعه كبيرة معهم اطفال
على العموم
تسلم على المرور

شكرا اخوي انا كنت اطلب وجهة نظرك حتى تفيد الناس اللي غيرك لانك في تقريرك ذكرت التعب وماذكرة يستاهل ولا ما يستاهل
وشكرا لك ولا اعضاء هذا المنتدى

على فكرة
بالنسبة للظلام
قبل لا ندخل الكهف
نحمل معنا مصابيح
ومن هنا نقدر نشوف الكهف بوضوح
شاكرة لك مرورك

بن سيف
كنت راح ازوره ..
بس شكلي ماراح اروح له
الف شكر

صراحه يا اختي
لحظات ولكن
تجربة جميله جداً
وانا عمري مادخلت كهف جليدي
اتمنى زيارة الكهف
الله يعطيج العافية
ومشكورة على صور وتعرفنا بالكهف الحلو
جهد تشكرين عليه
تحياتي

والي عنده اطفال 8-9 اسنين اكيد مايقدرون على الطريق
والا اشرايك؟

السلام عليكم ورحمه الله وبركاته
معليش على المداخله لكن برد على سؤال الاخ lomeea انا من يومين راجع من النمسا ورحت كهف الجليد
بصراحه في حياتي ما تعبت قد هذا التعب وبغينا نموت انا وام تالا من طول المشوار والبرد داخل الكهف. واقول اللي عنده اطفال لا يروح ابرك له خصوصا اطفالنا مو متعودين على الجو البارد خصوصا الجليد. لكن للكبار لازم نجرب الاشياء الغريبه علينا لاننا رايحين ننبسط ونشوف كل شئ غريب بصراحه رحله العمر ولازم نروح ونجرب. معليش هذي وجهت نظري واتمنى للجميع رحله سعيده.