ياليت يكون في توضيح اكثر
هل المصروفات شاملة السكن او بدون السكن
علشان نفيدك نبي معلومات توضيحية علشان نقدر نحدد لك حسبه تقريبية
اخوك
عبدالله

هلا فيك اخوي عبدالله
قصدي بدون السكن
ولوتفيدني بسكن يكون حلو ومناسب
شكرا على تجاوبك

بالنسبه للمصروفات بدون سكن
1- 24 باوند بطاقة باص + اندرقراند مده اسبوع
2- مصروف جيب يومي اكل وكوفي 30 باوند ( نظام اقتصادي )
3- التسوق ما اقدر احسبه لأن كل واحد له صرفيته بالتسوق
4- السكن في فنادق نظيفه جداً واسعارها بين ال 60 - 70 باوند بالليلة
الحين نجي للحسبه التقريبية
الاكل (30 ضرب 7 ) = 210 باوند
اضف لها 24 باوند هذي قيمة المواصلات يكون المجموع = 234 باوند
السكن اذا قلنا 70 باوند وضربناها ب 7 = 490 باوند
حسبنا لك للحين 724 باوند شامله السكن والاكل و المواصلات
يبقى عليك التسوق عليك حسابه
اخوك
عبدالله

عبدالله حسبتك رايح لندن ولا سوريا

30 باوند كثيره للاكل
اذا كنت راعي فطور مع ان اغلبنا مايفطر فأقترح عليك جبن وخبز وعصير تشتريهم من البقاله (حالة تقشف)
اما الغداء ماراح يكلفك اكثر من 6 باوند وجبات سريعه طبعا
العشاء بكيفك انت تبي تنام خفيف والا تأخذ لك ساندويشات من المطاعم العربيه يمكن ب 10 باوند
المجموع راح يكون بالكثير 20 باوند
وفرنا لك 10 باوند باليوم
التسوق والمتاحف وخلافه هذي انت وضميرك
السكن اتوقع تلقى زي ماقال اخوي عبدالله بس الله الله بالبحث بالنت
واي خدمات جاهزين

المختلف اعتقد 20 باوند غير منطقيه ابدا ابدا ال30 باوند وقلنا ها ممكن
الرجال جي لمدة اسبوع فشي طبيعي محتاج يتمشى ويروح ويجي ومحتاج يروح اماكن
واكيد مش راح يحرم نفسه من شرب قهوة او او او ....الخ
بس احب اقول لصاحب الموضوع ان كل هالحسبه بس مواصلات واكل وشرب فقط اقل تقدير 30 باوند باليوم
انا اذا فكرت بزيارة اماكن كمتحف شمع او ملاهي .....الخ
فهذي لها حسبه لوحدها يعني حط في بالك يوميا مش اقل من 50 او 60 باوند عشان اكلك وشربك وزياراتك

انا اتكلم فقط عن الاكل وماتكلمت عن اي شي اخر
عموما الرجال يبي يقتصد وانا اعطيته اقتراحات وهو بالخيار