مو اكثر من 50 يورو

تقريبا من 40 الى 50 يورو احتمال ناقص أو زائد كم يورو 3 أو 2 , أهم شيء ضروري تاخذون تاكسي لاتاخذون رير ولا مترو نصيحة مجرب .

abofawaz
اكيد ياغالي المشكلة انه يوم وصلنا باريس كان ودنا ناخذ تاكسي فاشفت واحد مع زوجته سعودي توه واصل معانا في الطياره فسالته فين التاكسي قالي المترو اوفرلك تعالو معانا ورحنا معاه وهاتك ياتسحيب في الشنط بس الحمد لله كل شي تمام في باريس الاجواء حلوه والناس طيبه والشوارع نظيفه ومن ناحية الامان اللي كنت موسوس منه بصراحه بلد مافي اامن منها والله ان محد يطالع فيك جلسنا في الشانز حتى الساعه وحده في الليل الين ماصار فاضي وبرضه امان حتى السكارى حالهم حال نفسهم مالهم باحد وبرج ايفيل جلست فيه حتى الساعه 12 ونص في الليل وايضا امان عسكر وافراد من الجيش حوليك والناس ياكثرها والمترو امان الى ابعد الحدود اخر وقت رجعت فيه بالمترو كان الساعه وحده في الليل وايضا امان
بصراحه باريس من اجمل المدن واروعها صح ان الطبيعه قليله وصح انها غاليه جدا بس صدق اللي قال انها مدينة الرومنسية ومدينة العشاق
وعلى فكره اللي عنده اعيال لا يروح باريس الا اذا كانو كبار

الحمدلله ان ما واجهتكم مواقف في الميترو او الشانز .. خاصة بالليل متاخر ..
الي ضايقني في باريس الافارقة و اصرارهم انك تشتري منهم ، يخوفون خاصة اذا تجمعوا عليك اكثر من واحد .. و الشحاذين الي بالشانز و عند البرج من جنسيات غريبة و اغلبهم مسلمين .. مناظرهم مزعجة .. غير مناظر المشردين الي تحت الجسور ، و في الحدائق ، و في الشانز مرة شفت واحد شكله يخوف مشرد كانه جاي من الادغال عند الماريوت بالضبط ..
بس تظل باريس ، غير عن باقي مدن اوروبا ، لها طعم ثاني و مالنا غنى عنها ...
يا حلو باريس و ايام باريس ..

sereemjio
بالنسبة للافارقه انا عرفت لهم لا تعطين الواحد وجه ابد وامشي عادي ولا تطالعين فيه لانك مجرد ماتقولين (هاو ماتش) تليمو عليك ويمشي وراك الي بوابة المترو
اما الشانز فعلا انا شفت واحد شكله زي ماوكلي شعره كثير وشكله مريض الله لا يبلانا بطنه منفوخه وحالته تفجع وبالنسبه للشحاتين نفس الموضوع طناش ولا كانه موجود
بصراحه انا كل شي تمام بس تضياقت من المقهى الى تحت الماريوت بصراحه اخلاق العاملين فيه زي اللي في رجلي ويمكن اللي في رجلي احسن والمصيبه انهم من جنسية عربية منتشره في باريس اما باقي المطاعم والمحلات قمة في الرقي والاخلاق والاسلوب والادب

aboretal
ههه ! (مونتي كريستو)
ماعليك من ((الاصلع)) لا يهش ولا ينش ! ((والقزم)) الي مسوي نفسه -- لبناني--
خلك دغري مع الي (( تجيب الطلبات)) وعطها 50 يورو بس !
تحجز لك احلى زاوية !
واحلى طاولة !

نصيحية أبو ريتال حتى لاتفوتك موعد الطائرة أعمل حسابك فى انتظار التاكسى فى هذة المنطقة أو اذا كنت ستاخذة من اتجاة شارع الشانزليزية وخاصة اذا كان فى وقت الصباح أو وقت عودة الناس من عملهم فربما تنتظر ساعة ولاتجد تاكسى فاضى.وثانيا لاتقف فى اى مكان لركوب التاكسى ولكن يوجد اماكن مخصصة تقف عندها يكون مكتوب عليها taxi.والأفضل من كل هذا تطلب من الفندق قبل سفرك بيوم أن يحضر لك التاكسى فى الموعد الذى ستغادر فية من الفندق وبياخذ نفس السعر .وهوفى حدود 50يورو وعموما التاكسيات هناك بيشغل العداد ولة حسبة خاصة بالشنط وعدد الأفراد المهم أنها فى هذا المعدل وسفرية ممتعة ان شاء اللة.

قريبا سوف أضع أرقام سائقين ثقات يوصلون من والى المطار وداخل باريس وخارجها كديزني وفرساي , هذا بعد ما سمحت الإدارة الكريمة بذلك للمشرفين وسبقني بها زميلي مشرف بريطانيا بوضع ارقام لسائقين لندن .

الله يقويك يابو فواز