هلا وغلا فيك اخوي بلدك الثاني الكويت وتنورنا
الدينار يعادل 12.8 ريال تقريبا
تبعد مدينه الكويت عن الدود السعوديه الكويتيه تقريبا 160 كيلو
الخريطه تحصلها بالماكاتب
والجو حر ورطوبه
وتحياتي لك

أول شيء كم سعر صرف الريال السعودي مقابل الدينار الكويتي ؟
نفس ما قال اخوي الكويتي..
http://www.kfh.com/Banking/ratesconvertor.asp
وين ممكن أجد خريطة للكويت ؟
بكل مكان...
كيف الجو هناك ؟
حر لكن احسن من الايام اللي طافت...
لا تطلع قبل الساعه 4 العصر
أنا أبي أجي من جهة الحفر كم كيلو من الحفر للحدود وكم من الحدود للكويت ؟؟
ما ادري
لكن مو بعيد
وش أطلق محل مشاوي ؟
مطاعم واجد..منها:كبابجي+محل مغل(مطعم هندي وصيني) +............واجد بس نسيتهم
أبي محل جلابيات حلو للوالدة ؟
العربيد بمنطقة الفروانيه
اعذرني على معلوماتي المحدوده

الملازك هتلر
حياك الله اخوي بديرتك الثانيه الكويت
سعر الريال السعودي 12 ريال او 13 مقابل الدينار الكويتي
خريطة الكويت موجوده بكل المكتبات وموجوده بالابراج
وموجوده في الرابط هذا خريطة الكويت
http://www.moe.edu.kw/schools-2/farw.../kuwaitmap.htm
الجو حار نسبيا مع رطوبه خفيفه وبدون غبار
بالنسبه للمطاعم اللي فيها مشاوي عندك ميس الغانم بشارع الخليج عند السفاره السعوديه وهو مطعم لبناني
ومطاعم المباركيه كباب مشوي وشاي مخدر
محلات الجلابيات وايد بالكويت عندك بالاوقاف بشرق أغلبيته محلات جلابيات وعندك بالصالحيه محل ثوب زمان
نورتنا بوجودك واي استفسار ثاني انشالله ماراح نقصر

بالنسبة للجلابيات لا يطوفك محلات العربيد اللي بالفروانية، شغلهم يفوق اليشمك "بنظري" واسعارهم جدا مناسبة،،، والأخت المرام أبخص
وبعد ماتخلص شراء الجلابيات روح لمطعم القيصر اللي يبعد أمتار من الجمعية "السوبر ماركت" واطلب اللي تبي "طبخهم لذيذ" ولا تنسى تدعيلي؟!!

شكلك وصلت الكويت ورجعت
يعني انا جاي متأخر
بس على كل حال رحلة سعيدة وان شاء الله تكون انبسطت بالديرة