حياك الله معانا اخوي الكريم .. وان شاء الله مانقصر

• النمسا هل هي بلد تنفع لقضاء شهر العسل؟ >> نعم روعه اذا كنتم من محبين الطبيعه ولو خذيت فره على التقارير والاستفسارات تجد اغلب السواح من العرسان والعوائل
• شهر أغسطس هل هو وقت مناسب للذهاب الى النمسا ؟ يعتبر هذا الشهر من افضل الشهور لزيارة النمسا
• ماهي اهم المدن التي تستحق الزيارة في هذه الدولة ؟ كثيره هي المدن ويعتمد على كم يوم الرحله ؟ ما هي وسيلة النقل ؟ ماذا تفضلون ارياف مدن قرى ؟

لك تحياتي ومبروك الزواج مقدما

ALI_Q8_77
الله يحييك ياسيدي وانا اخت مو اخ
وبالنسبة للمدن مو مشكلة اهم شي نزور افضل الاماكن
بعض النظر عما اذا كانت مدينة او قرية وطريقة الوصول اليها
والمدة قد تصل الى 20 يوم

عفوا حياج الله اختي الكريمه
اختي العزيزه حتى تتضح الصوره اكثر
وسيلة النقل الي تبونه ؟؟ وايضا المبلغ المادي المرصود للرحله ؟؟
اما الجدول المقترح
الاول .. فينا 4 ايام سالزبورخ 4 ايام زيلامسي 4 ابام ميونخ 3 ايام 15
او هذا المخطط
فينا 4 ايام سالزبورخ 3 ايام زيلامسي 4 ايام انسبروك يومين وميونخ 3 ايام 16 يوم
وانا بالخدمه اختي لجميع التفاصيل

انا قرات انه الافضل هو القطار ؟ فغالبا بيكون القطار هو الوسيلة المختاره
والمدة لاتقل عن 15 يوم
والميزانية مابين 40 الى 60 الف ريال سعودي
وابي بس مدن في النمسا صحيح ميونخ قريبة لكن ما ابيها ضمن الرحلة
النمسا وبس ؟
لو كانت المدن المختاره هي
فيينا - زيلامسي - سالزبوغ
وزيارة الريف النمساوي الذي ذكرته في الجزئين الاول والثاني؟
كيف بيكون تقسيم الايام ؟ وخط سير الرحلة
عشان ابدا اشوف المناطق السياحية والفنادق
ادري موضوعي شكله بيطول لكن ما اعرف احد راح للنمسا
ومافي عندي الا انت

حاضرين اختي لجميع تفاصيل الرحله .. لا تحاتين من جميع النواحي
انا قلت ميونخ افضل لكم لو تخلونه يوم واحد للعوده ... لكن طبعا يصير نرجع من فينا
المخطط فينا 3 ايام وسالزبورخ 4 ايام وزيلامسي 6 ايام ويومين للتسوق بفينا للعوده 15 يوم
اما بخصوص الاماكن الريفيه التي ممكن انزوره من سالزبورخ ولف قانق وسانت قلقن وفوشل ام سي برحله لمدة يوم واحد ..
بالنسبة لسالزبورق.. جولة في المدينة القديمة واسواقها .. حدائق الميرابل .. الكهف الجليدي .. قمة بيرج وقصر موزارت .. منجم الملح وقلعة سالزبورق .... رحلة نهر السالزاك
: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :: :
اما من زيلامسي نقدر انزور يوم واحد بادقستن وبادهوفقستن .. ويوم اخر انزورانسبروك
اهم الاماكن السياحيه بزيلامسي

• جولة الباخره في بحيرة زل
• زحلاقيات سلفادن
• صعود قمة جبل مناظر SCHMITTENHOHE
• جبال كابرون ( محطة تلفريك kitzsteinhorn
• شلالات كريملر

وايضا ممكن تأخذونه لفه برحله طيران عبر منطقة flug platz بطياره صغيره وتروحون للمنطقه بالتاكسي
طريق القطار
فيينا >> سالزبورق .. بدون توقف ( 3 ساعات
سالزبورق >> زيلامسي .. بدون توقف ( ا ساعة و 20 دقيقة
ومن زيلامسي الى فينا تغير قطار بسالزبورخ والوقت 4 ساعات وربع
وانا بالخدمه

جزاك الله خير اخوي على
وجعلها الله في موازين حسناتك
وان شاء الله تتسهل
والحين باخد جوله في القسم بشكل عام
صحيح بدري على السفر لكن الواحد ينظم نفسه من بدري احسن
عشان تكون في فكره عامه لانه لما يجي وقت الزواج بيكون مافي وقت
للفرفره في النت فمن بدري احسن اشوف كل شي
ومره ثانية مشكور وماقصرت

على راحتج شوفي جميع التقارير .. واجمعي المعلومات
وارجعي بالاستفسارات ,, وانا بالخدمه