مرحبا بكم في بيتكم الثاني
وهذا رابط فيه بعض المطاعم والكوفيهات
https://artravelers.com/p/re/235965
وراجع

1. اولا راح اجاوب على السؤال الاول والسؤال الاخير الي هو الخامس


2. 2 - في مطع هندي دوري عنه وايد حلو وفخم بس اكله شوي حلو مو وايد ))

السلام عليكم ورحمة الله وبركاته

اولا راح اجاوب على السؤال الاول والسؤال الاخير الي هو الخامس

• فندق رتاج الريان وموفنبيك تاورز وملينيوم ايش افضلهم للسكن من ناحيه الموقع والفخامه والخدمات

والله من ناحيتي وبراحه فندق موفنبيك لان هو احسن مكان فيهم جمب الابراج في قطر وانتي رايحه موفنبيك في فندق قريب منه يفصلهم كم متر فقط اسمه W hotel لو رحتيه راح تقيررين رايج في موفنبيك لان فندق دبليو احلى فندق في قطر واسعاره قريبه من الموفنبيك
5- اللؤلؤه ايشالمطاعم والكافيهات اللي فيها وسوق واقف ايش افضل الكافيهات والمطاعم اللي فيها
بالمختصر ماابغى اذا رجعت اتحسف اني مارحت للمكان الفلاني لاني ماكنت ادري عنه
في الؤلؤه في ثلاث مطاعم حلوه وفخمه وكل مطعه له بلده الخاص مثل
1 - برج الحمام (( مطع شامي بس وايد غالي واكله عادي ))
2 - في مطعم ايطالي بس مب عارف اسمه في رسبشن اهناك اسئليهم
3 - the nodells house (( مطعم تايلندي + صيني + ياباني )) اسعاره وايد زينه وطعمه يجنن مره اذا رحتي في طبق اسمه سنغافوره شي جي دوريه لان طعمه يجنن
سوق واقف
1 - مطعم اصفهان (( هو مطع ايراني وايد وايد فخم واكله مره حلو بس شوي غالي بس اشوفه يستاهل ))

2 - في مطع هندي دوري عنه وايد حلو وفخم بس اكله شوي حلو مو وايد ))

(( طبعا اذا رحتي سوق واقف في جهه وحده كله مطاعم فخمه يعني لما تروحين شوفي ونقي بنفسج في منيو عند باب كل مطعم واذا رحتي هناك قوليلهم وين باسكن روبنز روحيله واذا ودوج له لان كل المطاعن الفخمه جمب باسكن روبنز وان شاء الله استفدتي مني شوي والسموحه على القصور

مرحبا فيج في بلادج
1-شوفي فندق موفنبيك حلو موقعه لانه عند مجمع السيتي سنتر والكورنيش واللؤلؤه وهالاماكن اللي تبينها
وفندق ملينيوم مادخلته بس سمعت عنه انه زين وموقعه بعد في شارع السد يعني بتكونين موجوده في وسط البلاد
بس ماانصحج برتاج الريان
2- بالنسبه للفطور عندج مطعم لانوتر يقدم بوفيه وحلو فطوره . . بتلقينه في فيلاجيو لانه الفرع الرئيسي اعتقد مسكرينه مع انه أحلى وأشرح
3- روحي مطعم البيت الشامي وايد حلو وروحي احسن لج الفرع اليديد اللي توهم فاتحينه
وبالنسبه للمطعم الهندي عندج مطعم اسمه تانجور وواحد اسمه اشاز في فيلاجيو
ام اذا تبين مطعم ايطالي بتضطرين تروحين فندق رمادا فيه مطعم ايطالي عباره عن فيلا بجانب بركة السباحه بس لازم تحجزين قبل لاتروحين لانه دايما يقولون مافي حجز
وفي مطعم ايراني اسمه شبستان اكله روعه لايفوتج
بس اذا رحتيه لاتروحين صوب العائلات
دشي القسم العام لانه صوب العائلات ازعاج وايد
4- الكافيهات عندج هاغن داز ولانوتر وغيرها من القهاوي بتلقينها في المجمعات التجاريه
5- بالنسبه للؤلؤه فيها قهاوي وقعدات على البحر وفي مطعم ستيك ومطعم Maze للشيف غوردن رامزي
اللي كان عنده برنامج اسمه هيلز كيتشن على الام بي سي فور بس بيطلع عليج غالي فوق الالفين يمكن
وعندج في سوق واقف المطعم الايراني ومطعم طجين وغيرها من المطاعم
على فكرة موفنبيك ترى كئيب شوية بس انا اخترته لانج حطيته في قائمتج للفنادق
بس لو تروحين دبليو بيكون أحلى بوايد
بس أحسن فندق تقدرين تسكنين فيه وموقعه روعه هو الشيراتون
أنا توني ساكنه فيه في الصيف ومجددين فيه
وأعتقد سعره معقول . . الفندق ترى روعه وكبير لايفوتج . . وعنده شاطئ خاص ويطل على الكورنيش
والحمام الله يعزج فيه دريشه من الحائط لين الحائط كلها تطل على البحر يعني شي يهدي الاعصاب
هالفندق أقدم فندق في قطر بس مازال من أحسن الفنادق فيها
أحب أصحح معلومه حق أخوي the ro0ok
وهي ان مطعم برج الحمام سكروه وأصلا المطعم فاشل الله يعز النعمه
مادري شلون حاطينه في اللؤلؤه
وفتحوا بداله مطعم ستيك مافيه الا طبق واحد وهو ستيك وبطاطس مهروسه
وكل ماتخلص من البطاطا او الستيك يجيبون لك جاري فيه أكل ويحطون لك زياده
يعني ماعندهم الا هالطبق بس ترى يقولون انه وايد حلو
على مااعتقد ماعندهم مينيو للاطباق الرئيسيه بس عندهم مينيو حق الحلويات

1- فندق رتاج الريان وموفنبيك تاورز وملينيوم ايش افضلهم للسكن من ناحيه الموقع والفخامه والخدمات
ارشح لج موفنبيك
واذا تبين الاحسن
الشيراتون وw
في نفس المنطقه
اما اذا تبين شوي بعدين فارشح لج
قراندحياه وانتركونتننتال!
2- افضل مطعم للفطور لليوم الاول من وصولنا ابغى مطاعم مو اوتيلات لان باقي الايام راح يكون الفطور بالاوتيل
عندج لانورت
والبتيل
واوبيرا
3- رشحولي افضل اربع مطاعم للغداء اوالعشاء ايطاليه وهنديه ولبنانيه يهمني كثير الجلسه والاكل وماتكون باوتيلات
المطعم الايطالي في السوق والمطعم الايراني بعد فالسوق وفيه وايد مطاعم راقيه ففلاجيو
4- رشحولي افضل اربع كافيهات انا حاطه ببالي مايا وشوكلت بار وش فيه غيرهم وايضا يهمني الجلسه وماتكون باوتيلات
راح تلقين الكافيهات فالمجمعات وبكثره
5- اللؤلؤه ايشالمطاعم والكافيهات اللي فيها وسوق واقف ايش افضل الكافيهات والمطاعم اللي فيها
الؤلؤه اغلبيه المطاعم كوفي شوبات !
ولاكن فيه مطعم برج الحمام والصراحه مايمدحون ماأنصحج فجكليت بار الي فالؤلؤه وانصحج بمايا الي فالاند مارك فكرته حلو
وحياج الله في بلادج قطر ..
واي خدمه احنا حاضرين

3- رشحولي افضل اربع مطاعم للغداء اوالعشاء ايطاليه وهنديه ولبنانيه يهمني كثير الجلسه والاكل وماتكون باوتيلات :
هندية :
بخارى عند التنس والأسكواش + رويال تندور في سوق واقف و شارع السد + نجمة الهند عند دوار التلفزيون + أنجاري في إبراج إزدان + في فندق الماريوت
ارشح لك حسب لذة الأكل : بخارى عند التنس والأسكواش اسعاره في متناول الجميع + في فندق الماريوت اسعاره مرتفعه + رويال تندور في سوق واقف و شارع السد اسعاره في متانول الجميع .
اما الباقي خلاص نجمة الهند بالنسبة لي لاحظوا بالنسبة لي طاح سوقه وياكثر ماتصكه البلديه يمكن لأسباب ثانية غير النظافة ، وأنجاري الله يعز النعمة مافيه اي ميزه نهائي .لبنانية + سوري :
ليالي في مجمع فيلاجيو و الثاني على طريق سلوى + سراي في مجمع فيلاجيو ، بصراحة الاثنين احبهم وسراي اكثر ومن المقبلات راح تشبعون .
وفي فينيسيا + المجلس + الخيمة هذولي صايرين في شارع السد بس خبري فيهم من سنة 90 وعن نفسي مافضل ارجع لهم مدري يمكن من كثر ماكلنا منهم لان زمان مافي الا هالمطاعم يعني صايرين مثل برنامج غصبن عنك
وبعد عندك دنيا في فيلاجيو هذا مطعم منوع مقبلاته حلوه بس يبقون الاثنين اللي فوق هم أحلى شي من وجهة نظري .
وبعد صبح ومسا على طريق سلوى متخصص بالفطاير المدوره اللي على شكل بيتزا رقيقة وحشواتها لبنانية بحته ، ويصلح للعشا او الفطور يعني شغلات خفايف بس حلوو ولذيذ .ايطالية :
جربت الإيطالي اللي في الشيراتون عالغدا + مطعم تشاو على طريق سلوى + مطعم بيلا في السيتي سنتر والمول + يمكن جربت مطعم إيطالي رابع وانا ناسيته مع اني ماتوقع لندرة المطاعم الإيطالية في قطر .
بس أشوف ولا واحد فيهم يتقن الاكل الإيطالي
وانا اذا جا على بالي اكل إيطالي رحت بيلا هو احسن واحد من بين اللي جربتهم وأكله فيه لذهالكلام اللي فوق من تجربة شخصية والناس أذواق وفيه مطاعم وبوفيهات كثير جربتها بس ماتحضرني كلها