البكج احسن واضمن وبس اما الصرف احيانل ماتصرف الا شي بسيط تبع بقاله

التكلفه جدا معقوله
سافرت في 30/7و رجعت في 8/8 بالميلادي و صرفنا على الباكج 1220دولار( فنادق5نجوم فطور و عشاءو سواق من المطار الى المطار) عدد الاشخاص 2
بصراحه رخيص صههه مقارنه بالدول الاخرى و نوعية المعيشه اللي عشناهاو التذاكر كلفتنا 3300على الخطوط السعودية شخصين درجه سياحية و المصروف اليومي مو كثير مجرد تذاكر للاماكن مثل ميتم الفيله و الحدائق و مزارع الابقار و الرقص الشعبي لكاندي
وركوب القوارب ب35ريال للساعة والهدايا جدا رخيصه

لا تخاف ياخوي تبي تروح وتجي ونت موفر سوف تجد المبلغ معك زاد قبل الذهاب الديرة حلوة ورخيصه جدا جدا

الجميع يتفق بان المصاريف قليله جدا ... ولكنني اطمع انا وغيري بمعرفه تكلفه تقريبيه ..
هل قليله جدا تعني 100ريال سعودي لمده 10 ايام ...
سؤال لاصحاب التجارب ... كم صرفتكم خلال اقامتكم في سيريلانكا وكم كانت المده ..
( الصرف غير شامل الفنادق والطيران ووجبه الافطار والعشاء والمواصلات )
تحياتي لكم جميعا ..

انا سافرت في صيف 2008 مع زوجتي وبنتي عمرها سنه ونصف في ذاك الوقت لمدة 12 ليله وصرفت تقريبا 2000 ريال م وانا مسرف ومبذر جدا
كانت مصاريف السوبرماركت وغسيل الملابس في الفنادق وتذاكر دخول بالاضافه الى الرحلات البحريه والمساج
يعني فله

السلام عليكم ورحمة الله وبركاته
حقيقة لااحد يستطيع ان يقول لك مصروفك اليومي مهما كان الامر الا اذا ذكرت له اهتماماتك ورغباتك
البكج عندي لمدة 14 ليله شامله الفطور والعشاء والسياره ودخول الاماكن السياحيه كركوب الفيل وسفاري وترضيع
الافيال ونهاية العالم او هارتون بلانت كلفتني 2100 دولار امريكي وانا شخص واحد
اما المصروفات الشخصيه فهذه تختلف من شخص الى اخر ولكن كمعدل يومي بالنسبه لي 30 دولار لانني اعمل
مساج كل يومين
شايبكم

يعني لا تقول كم كلفك فقط قول كم كلفك وين سكنت علشان فيه فناق سعرها 55 دولار وفيه فنادق 170 دولار يوميا ويختلف من شهر الا شهر السعر يعني مثلا شهر يوليه يختلف اكيد عن اغسطس بيفرق من 20 الا 30 دولار في بعض الفنادق مثلا انا سفرتي هذي السنه كانت كالاتي يوم بهيلتون في كولمبو والثاني والثالث بريجنسي كاندي والرابع بنوريلا بقراند بغرف الجولف والخامس والسادس بفندق التاج بنتوتة والساابع بفندق ايدين بنتوته والثامن والتاسع في فندق سينمون بكولمبو طبعا الغرف كلهم غرف ديلوكس ومطله والبكج فطور وعشاء وسيارة 24س والسعر كان 1200 دولار لشخصين طبعا لو غير فندق هلتون او سنمون الا اي فندق اخر بينزل السعر او مثلا فندق التاج لو غيرته بفندق اخر بينزل السعر اكيد اما المصروف اليومين مافيه ذاك المصرف خاصه لشخصين اكبار لانه اغراضك جايبها معاك من السعوديه من بساكيت وشوكولاته واغراض قوه وشاهي يعني ماتصرف الا تذاكر دخول اماكن ترفيه او بتصرف لو رحت تتسوق بالملابس مثل ماقالو الزملاء طبعا هذي لا تحسب من التكلفه لانها تختلف وليس قاعده يعني انا مثلا اشتريت من مصنع المجوهرات الى بكاندي ب1000 دولار مجوهرات واحجار كريمه هدايا وشكراا

ماشاء الله الشايب كفا ووفا

والله على حسب الشخص
انا تقريبا كلفتنا المصروفات مع التسوق 4000 ريال ترى انا تسوقت كثير
ومعي طفلين وبقاله كل يومين طبعا شامله الفيله والقوارب في نوراليا وبنتوته قارب مطاطي وقارب سفاري
والالبان +حديقه +تغدينا مرتين في بيتزاء هت
ومن غير الفواكه الي نشتريها وغير وغيره
على حسب الاشخاص