نشر في الكويت

كم المسافة بين الكويت وقطر

هاني شكري

31-03-2022 - 01:45 am

لو سمحتم يا شباب الكويت تقولولي كم تبلغ المسافة بين الكويت وقطر وهل تحتاج لجواز السفر ام ان الرخصة بتاعة القيادة تكفي ووما هي المدة المستغرقة
وشكرا ليكم

التعليقات (8)

اسيرالدوحه

31-03-2022 - 04:00 am

السلام عليكم
المسافة تقريبا 1000 كيلو
وطبيعي تحتاج الى جواز السفر ....
بالنسبة للمدة ..
انا بقولك من واقع تجربتي الشخصية ...
انا سافرت الكويت بالسيارة ... وطلعت من الدوحة الساعة 7 صباحا .. ووصلت مدينة الكويت تقريبا 3:30 عصرا
متوسط السرعة كان حوالي 140 - 150 كيلو
والسفر كان متواصل ... والتوقف كان فقط للتزود بالبترول واستخدام دورات المياه فقط
وانصحك ماتسافر بروحك فالسيارة ...
لانك راح تتملل من قلب والله وتحس بالزهق ...
وخصوصا المسافة كبيرة جدا .. واكثرها ان لم يكن كلها ...
سفر في بر ....

< ملك الربع >

31-03-2022 - 05:01 am

اخي اسير الدوحة عندي لك سؤال بحكم اني اول مرة راح اسافر .
انا من السعودية وهل جميع دول الخليج تحتاج الى جواز السفر او البعض منها فقط لاني سمعت ان فيه دول الغتها لمواطني دول مجلس التعاون
وشكرا لك

الطرشي

31-03-2022 - 06:02 am

< ملك الربع >
اخوي ملك ربع ولايهون بقية الاخوان/
لاحد يتوهق ويخلي الجواز فالبيت ... تنقل مواطني دول الخليج بينهم بين بالبطاقة الشخصية
موضوع مطروح للدراسة والى الان ماصدر شي رسمي باستثناء السعودية والامارات احتمال شهر 9 ميلادي يطبقونها كتجربة ..

اسيرالدوحه

31-03-2022 - 07:03 am

الطرشي ... ملك الربع
التنقل بالبطاقة الشخصية ... يشمل جميع دول الخليج ماعدا السعودية
وانا متأكد من استخدامها عن طريق المطار ..
بالبر .. معتقد انها سارية المفعول .. مدري
بس اذا انت سعودي .. خل جوازك معاك ....
بالنسبة للخليجين ...
عادي السفر بالبطاقة الشخصية اذا كنت بتسافر لاي دولة خليجية ماعدا السعودية ..

سالم

31-03-2022 - 08:04 am

750 كيلو .........5 ساعات

يامسافر

31-03-2022 - 09:05 am

ادا قالو لكم بالبطاقه ليس يعني ان البطاقه تكفي وانما الجواز مع البطاقه 000000000000ههه شفوا الدول الاوربيه 25دوله رايحين جايين بدون جوازات ونحن 6دول ماقدرنا نتوحدواهم الشي التنقل والله غريبه

الباب العالي

31-03-2022 - 10:06 am

الاخ هاني
الله يعطيك العافية
المسافة من الكويت الى الدوحة 798 كيلو وارح اعطيك تفاصيها بالكيلو
1- من العاصمة الكويت الى الحدود الكويتية مع السعودية ( جمرك النويصيب ) حوالي 100 كيلو
2- من الجمرك الكويتي ( النويصيب ) الى الدمام 300 كيلو وهو حاليا خط سريع ولكن الخط بين الجبيل والدمام فيه بعض التحويلات والحفريات .
3- من الدمام الى الاحساء 160 كيلو
4- من الاحساء الى منطقة سلوى السعودية ( وهي منطقة حدودية مع قطر ) حوالي 140 كيلو
5- من جمرك سلوى السعودي الى جمرك ابوسمرة القطري حوالي 8 كيلو ( وهي منطقة محايدة )
6- من الجمرك القطري الى وسط المدينة ( الدوحة ) حوالي 90 كيلو
في النهاية مجموع المسافة
حوالي (( 798 كيلو متر )) طبعا بدون الدخول الى مدينة الدمام بل المرمر مرور الكرام وتكمل الرحلة الى الاحساء وكذلك من غير الدخول الى منطقة الاحساء . يعني تمشي على خط سريع من الكويت الى الاحساء وفيه خط حاليا من الاحساء الى قطر لا أعرف هل اكتمل او لا لانهم يشتغلون فيه .
أما المسافة الحدودية بين حدود الكويت وحدود قطر تعتبر (( 600 كيلو ))
وعموماً الحسبة تقريبية جداً تزيد 10 كيلو الى 20 كيلو لا أكثر

أبو تراحيب

31-03-2022 - 11:07 am

كما ذكر الاخ الباب العالي
وانصح حماية وجه السيارة حيث ان الطريق هذا الوقت من السنه فيه عواصف رملية

الكويت المسافرون العرب

كم المسافة بين الكويت وقطر