thaisand
01-03-2022 - 11:22 am
السلام عليكم اخواني يعطيكم الف عافيه على جهودكم الطيبه
انا مسافر اندونيسيا بعد شهر
عندي جم شغله ضروري الي عنده جواب لا يبخل علي
بالنسبه للاسعار حق الي رايح يتسوق ايهي ارخص بالي ولا جاكرتا؟؟ يعني ملابس واكسسوارات واحذيه وبضاعه
السؤال الثاني
ايهو احسن مكان لصرف الدولار بجاكرتا؟؟
السؤال الثالث
الطيران الداخلي من بالي الى جاكرتا سمعت ان بمطار بالي يتم التدقيق عالامتعه يعني يتم التفتيش اذا كانت الجنطه فيها اغراض وايد هل هالكلام صحيح ولا الامور سهالات ياريت الي عنده خبره يقولي وبالاخص اخوي نجم الكويت.
السؤال الرابع
اذا حاب اروح حق باندونق لازم طياره من جاكرتا ولا يصير بقطار او باص؟
واذا بروح يوجياكرتا هم لازم طياره ولا يصير باص او قطار؟
بس بجذي اكون حيل شاكرلكم
بالنسبه للحجز شسم المواقع الي تحجز بس ما تدفع الا عند الوصول؟
لان مابي احجز وادفع بالنت ولا سمح الله تتكنسل السفره او تتأخر وتروح علي الفلوس
وشكرا