أخوي الحبيب كلامك صحيح مئة بالمئة
و لكن خذ بعض هالاماكن لعلها توسع صدرك
عندك عالم الثلج مكان جميل و حلو في طريق الملك عبدالله
عند قاعة المقصورة بالقرب من مخرج 10 اللي يقطع الدائري الشرقي
عندك شارع التحلية القعدات الحلوة في الكفيهات الحلوة و الاختيار على ذوقك
عندك طال عمرك طعس التحدي في الثمامة تقدر تروح هناك مع الربع و تشوون
و الجو هناك حلو بالليل هاليومين و تقدرون تشون و تطعسون يعني رحلة برية
زيارة مكتبة الملك عبدالعزيز العامة و القريبة من مخرج 12 على الدائري الشرقي
التجول في الدرعية ومشاهدة الأثار القديمة هناك
تأجير استراحة و ما أكثرهن في الرياض و هي الوسيلة الأكثر شعبية في الرياض
و ممارسة جميع انواع الرياضات كرة طائرة قدم سباحة و لعب السوني و الطبخ
و كذلك التجول في سوق الديرة و مشاهدة البخور و دهن العود و سوق الزل و غيره
و اذا في شي أبشر ابرجع للموضوع

رح تقهوى في التحليه
او الثمامه بالليل

تزوج بنت الحلال وبعدها بتصير (عائله) وبتبسط بكل مكان .
لان هذا احسن حل للعزاب في الرياض .

أخي الكريم يوجد هناك الكثير من الأماكن للشباب
المولات :
تقدر تدخل جميع المولات الخاصه بالعوائل من الساعه 10 صباحا الى أذان العصر
بالنسبه للمولات الشبابيه والي تقدر تدخلها بأي وقت متى ما حبيت :
1- فنيسيا مول ويقع على طريق الملك عبدالعزيز(شارع الوزارات )
2- فنيسيا مول وهو بجانب الشعله مباشره
3- لوكاليز مول ويقع على شارع التحليه وهومختص بالماركات
المطاعم والكافيهات :
طب وتخير شارعي التحليه والثلاثين فل مطاعم وكوفي شوب لا تفوتك
أماكن التنزه والملاهي :
1-الحكير لاند ملاهي للكبار لديهم وقت مخصص للشباب هذا رقمهم وإتصل استفسر 012787000
2-الصاله الدوليه للبولنق مكان رائع بكل ما تحويه الكلمه ما حتندم لو رحتله
3- حديقة الحيوان ومواعيد دخول الشباب فيها يوم الاحد من 8 صباحا الى آذان المغرب
لا تنسى تروح الأماكن التراثيه مثل
مطعم القريه النجديه الي بطريق الملك عبدالله مقابل الممشى
سوق المعيقليه وسوق الزل
ويوجد ايضا في منطقة الثمامه صالات العاب ترفيهيه للشباب بس لازم تكون معك سياره لانها بعيده
رحله موفقه واي سؤال انا حاضر

عوائل عوائل
وشي فيه للعوائل زود عن الشباب ؟
سينما ولا منتزهات تفتح النفس ولا مدن الالعاب المائيه
ماعندهم إلا الاسواق والمطاعم !

اللي يقهرك انهم اكثرهم مو عوائل اكثرهم بنات
المشكلة فاهمي مقصود العائلة خطأ
العائلة اب وام واطفال
مو بنت وبنات خالتها
^ ^
معليش على الشطحة
,
عندك الثمامة مالك الا الطعس والبر لان المدائن الترفيهيه للعوائل
وشارع التحلية ابن امه يقول عوائل
عندك سوق الشعلة
و الدرعية
^^
كلام كثير ولحسه الشكوه على الله

ارحب بصاحب الموضوع
وحاب اقولة اللة يهديك انا اشوف ان الجوف احلى من الرياض
يااخي صدقني تراكم اخذتو فكرة عن الاماكن اللي يقولولكم انها عوائل
تراها ماتستاهل توجع راسك عليها واللة مافيها غير الدجة
والساعة 11 ماتلاقي احد
احنا ماعندنا سياحة بالسعودية
عندنا اسواق ويقولو للعوايلل واذا دخلت تلاقي نص الموجودين شباب
ومدخلينهم السيكورتي
فخلك على البلايستيشن
ومر اي كوفي وارجع للبيت عشان لو لقوك الدوريات بعد 12حتقضي معهم ليلة باحلا منتزة
نظام المدينة غريب يااخي
مدينة 5مليون والساعة 11 مقفلين
طيب احد يبي ياكل او توة واصل من سفر يموت من الجوع والصباح يطلع يفطر مع درجة حرارة 45
اللة يكون بعونك
وربي يوفقك
واسف عالاطالة

ابو طلال*
الجوف : يالبى قلبها والله . صحيح ان ما فيها شي لا اسواق ولا ملاهي الا القرية النسائية وذي خاصة بالنساء فقط اذا ما خاب ظني لكن وناسة بجوها وبرها القريب من الديرة مب لا بغيت تروح للثمامة كنك مسافر فوق 35 كيلو غير الزحمة و وبالنهاية البر وصخ تقل زبالة وانتم بكرامة واذا تبي بر نضيف لازم تروح 200 او 300كيلو عشان تلقى بر نضيف .
تحياتي لصاحب الموضوع .

الله اكبر ياهالاماكن العائليه ؟؟؟؟؟؟
اتمنى اروح لمكان بالرياض وادفع فيه بس الاقي مقابل مادفعت