اولا مرحبا بك اخي بحر بالمغرب بلدك الثاني المغرب ...ثانيا بالنسبة لرحلتك من كازا لاكادير من الافضل انك تباشر على طول اجرائات السفر لا تضيع عليك الرحلة وخاصة لان المطار يكون مكتظ لكثرت الرحلات الموجه منه واليه ...اما بالنسبة لفندق اماديل فهو يستاهل انك تسكن به ..اما بالنسبة للمصروف اليومي فهاذا يرجع لك على حسب ومن الاحسن سوي لك programe الاسبوع عشان تقضي وقت ممتع ... مع تحياتي واتمنى لك عطلة ممتعة انشاله.. وانا في الخدة اذا احتجت اي شي .

السلام عليكم
اخوي حاول انك اول واحد تطلع من الطياره على طول على الجوازات
خلص امورك بدري عبي النموذج تبع الدخول وانت بالطيارة باللغة الانجليزية اتوقع افضل
وعلى طول على المطار الداخلي وان شاءالله امور تتسهل
عن فندق اماديل والله ماقد جربتة بس كل واحد يروح له يمدحه واتوقع يعتبر من افضل الفنادق في اغادير
انا شفته من برى حلو اختيار موفق
المصروف اليومي على حسب وضعك تقدر تصرف 500 درهم الى حوالي 4000 درهم في اليوم تقريباً
والله مااقدر افيدك بالاماكن لاني من زمان عن البلد بس فيها اماكن كثيره حلو
بالتوفيق

والله خذ نصيحتي ما تلحق على هذي الرحلة الا اذا حجزك على المغربية يمكن تلحق لا تنسى عيدية واجراءات الجوازات الامقريشن والعفش في هذا المطار تتاخر بزيادة
فندف اماديل مميز وكمان في الروز بلص اتمنى تروح له

بعد اذنك اخوي .. انا نفس مشكلتك..
الاقلاع من مطار الدوحه الساعه 2 الفجر تقريبا والوصول علي الساعه 9 الصبح بتوقيت اللمغرب مطارمحمد السادس
رحلتي الداخليه بتكون لساعه 10 وربع من كازا للاغاديير
عندي ساعه وربع هل فيه وقت اغير طياره هل فيه زحمه للجوزات وتاخير ولا علي طول اطلع من صاله للصاله الداخليه
ملاحظة: في رحلة ثانية الساعة 16:25 يعني تقريبا 7ساعات ترانزيت اذا راحت علي الرحلة اللي تقلع الساعة 10 وربع..
السؤال انلحق على طيارة الساعة 10 وربع الظهر؟ ولا تطير عنا؟ شرايكم؟ .. وياليتك ياخوي تقولي عالخاص اذا وصلت بالسلامه ولحقت وامورك مشت لأني انا بعدك بأسبوع علشان اغير الرحلة.
وشكرا للجميع.

يمسيكم بالخير انا اخوي دايم اروح نفس طريقتك وقد رحت على نفس الرحلة لا تخاف وضعك بالسليم لانك ماراح تمر على الجوزات اللي في كازا راح تختم في اقادير انت ان شاء الله اول ماتنزل من الطيارة تبي تجيك لوحة اللي ترانزيت يكمل انت رح معهم تبي تلقى بوجهك كاونترات فيها موظفين الخطوط المغربية ينتظرونك عطهم اسمك يعطونك البوردينق ديال الرحلة الثانية وتروح علطول البوابة قريبه مره تكفيك 10 دقايق بالكثير من تنزل من الطيارة لين توقف واصلا حتى لو تاخرت القطرية الطيارة المغربية تنتظرك لانها صارت لي انتظروا لي وصلت طيارتنا بعدين تحركت(لانهم قاصين البوردنق بس ماجت اغراضي الا الرحلة اللي بعدها لان تاخرت رحلتنا) بس اهم شيء تاكد اغراضك اذا شحنتها اشحنها على اقادير مباشرة من مدينتك تاكد يحط اقادير مو كازا وموفق انا لاحقك على القطرية في يوم 11 ان شاء الله واذا في اي استفسار تفضل اتمنى اكون وصلت لك المعلومة اللي تبي ...
اخوي بخصوص استفسارك الثاني انا كنت ناوي اسكن بعد العيد في اماديل بس دقيت عليهم قبل شوي اسالهم عن الضياف اذا مسموح قالوا لا فاذا يهمك الموضوع وعندك اصحاب هناك ترى ماراح يدخلون الضياف حسب كلام الريسبشن اذا احد عند احد منكم معلومه ثانية ياليت يفيدنا ...
تحياتي

مراكشي..
هلابك اخوي مراكشي اشرك علي مداخلتك وربك يسهل الامور ونواصل الرحله .. ورتبنا حجز الفندق وربك يسهل الاموور
تحيتي

هلا وغلا با الجميع واشكركم علي المرور والمداخله
يارب سترك ربك يوفق ونلحق عليهم
محسن ..ربك كريم انشالله الحظ طيب وبنلحق
الكاتب المسافر ابشر با السعد بعطيك خبر
العم دهب
اشكرك علي المداخله الاولي شرحت صدري وجهزت عفشي من اللحين بس المداخله الثانيه نزلت نص عفشي
بخصوص الفندق والضياف انا كلمت( الاخ xxx من سفريات xxxxx يا كثر الي يعرفونه في المنتدي) ومدري وش وضعه اول مره بتعامل معاه وقالي الامور طيبه ويضمن الي ها الشي
وخلك علي تواصل معي لا غيرت الفندق وانشالله نتلاقا هناك
ربي يسعدك

العم دهب كيف حالك
انا رحلتي تاريخ 119
يعني يوم الجمعه الساعه 11 المساء اكون في مطار الدوحه وطيارتي الساعه 2وربع فجر السبت في نفس التاريخ وهلابك في بلادك الثاني ونتلاقا في المطار
سلم عليكم

أخوي بحر اتشرف بمعرفتك بس انا رحلتي بعدك بيوم تقلع من الدمام يوم 11 بالليل ومن الدوحه فجر 12 بس ان شاء الله نتشاوف هناك بخصوص الاخ xxxx انا صراحة ماعرف الا xxxxxxx بس الغريب لي اسبوع ادق في كل وقت على مكتبهم ماحد يرد ابحجز مادري وش السالفة صراحة xxxxxxxxx ...