البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في البحرين

كل عام و انت بخير

orchidqueen

01-10-2022 - 03:33 pm

السلام عليكم
كيفكم اعزائي ان شاء الله بالف صحه وسلامه ..
احب اهنيكم بشهر رمضان ..الله يعيده علينا و عليكم اعوام و اعوام في صحه و عافيه يا رب
يا جماعة الخير انا ناويه ازور البحرين في عيد الفطر و حابه اعرف عن برامج العيد فيها ... حاولت ادور بالنت ما لقيت شي يفيدني ...عاد قلت مافي الا اهل البحرين نفسهم بيفيدوني و انا عارفه ماراح تقصرون ..
منتظره ردودكم .. وتسلمون لي

التعليقات (4)

مـزون

01-10-2022 - 06:59 pm

حياج الله فالبحرين والعيد تقدرين تتمشين بالمجمعات التجاريه وتقعدين بالكافيهات واذا حابه تروحين عين عذاري او جنة دلمون...
وان شاءالله بقية الاعضاء يفيدونج اكثر..

ريانا

01-10-2022 - 08:00 pm

كل عيد في مسرحيات كويتية بس ما اعتقد في حفلات غنائية
محمية العرين وايد حلوة
جنة دلمون
عين عذاري
سوق المنامة وسوق المحرق
واذا تبين بحر نظيف وخاص روحي النادي البحري الدخول 5 دينار للفرد او نادي الشراع في الزلاق على خبري كان الدخول ب 2 الحين ما ادري ما انصحج اتروحين بلاج الجزائر لأنه مأساة
يمكن حلبة البحرين اتسوي فعالية بس الى الحي ما اعلنوا عنها لكني اجوفهم يبيعون تذاكر بس ما ادري حق شنو

ريانا

01-10-2022 - 09:01 pm

اه اهم شي يكون عندكم سيارة لأن احنا اقل بلد خليجي في عدد التكاسي واذا حصلتي وايد غالية
طلب تاكسي ( تحت الطلب ) افضل

مروق البال

01-10-2022 - 10:02 pm

حفلات مع العشاء طبعاً.... تقام في قاعة فندق الخليج كل سنة يحيها كبار الفنانين العرب والخليجين
العام أذكر كانت حفلة فنان العرب محمد عبدة ثاني ايام عيد الفطر المبارك و الي قبله حفلة إليسا