1. بمعنى وش الخطوات من اول ما اجي في المطار الين أركب التاكسي

لسلام عليكم
وعليكم السلام ورحمه الله وبركاته
تقولون لي أحجز فندق و حدد موعد السفر
تيب
حجزت الفندق وهذا هو رابطه
https://artravelers.com
أخذته في موضوع لاختنا شموخ الله يعطيه الصحة و العافية
اختيار موفق يا غالي
موعد الوصول أن الله اراد أنا و المدام في تاريخ 11 / 7 ساعة 5.30 صباحا و العودة بتاريخ 16 / 7
اللي أبيه أول ما أصل المطار وش أسوي ترا معليش أخوكم لا لغة و لا أي شئ دائما سفراتي في الدول العربية

بمعنى وش الخطوات من اول ما اجي في المطار الين أركب التاكسي

امش مع الناس لين توصل للجوازات وامس الصف الخاص بغير الاوربيين وخلك علي الخط لا تتعداها لين يخلص اللي قبلك وتوجه لموظف الجوازات لا عطاك الجواز روح للشنط وتشوف رقم الخطوط السعوديه الرحله فوق جهاز السير اذا اخذته خلفك باب اطلع معه وفيه اللوحات المتوجهه للتاكسي
واذا ركبت التاكسي هل اعطيه أسم الفندق اللي انا حجزته ( ورقة الحجز معي من المكتب ) على طول يوصلني للفندق . أخاف يقلعني لمكان ثاني و أتوهق
وش تتوهق يا غالي التاكسي برا ورسميه اي واحد عطه العنوان وبيروح لك للاا تاخذ التاكسي الغير رسمي مع انه امان للعلم لكن حرص ولا تخونش
نجي للخطوة الثانية الامكان اللي راح اجيه او مخطط ان شاء الله عليه مبدئي
ديزني لاند , برج أيفيل , معرض الشمع , مول للتسوق, ( وأي أقتراحات من عندكم )
أبي من اخواني واخواتي يسوي لي خط السيرة بتفصيل الممل ( لاني حصلت موضوع ماشاء الله لاختنا شموخ حاط كل فندق رابط السير ماعدا فندق اللي أنا حاجزه
ليش كذا يا شموخ ما حطيته عاد انا قايلها والله حطيه الغلطه غلطتي يا غالي شموخ ما قصرت
كيف أحجز تذاكر المترو و أيش أحسن أخذ حق أسبوع و الا اليومي وكم تكلفته
اليومي كويس اذا انت رجال مهوب كل وقت من مكان لمكان اذا رجال راعي حركه ولا يعجبك مكان وكل مره ودك تروح طق باريس فيزت من زون ون الي 6
الشانز هل هو قريب من عندي بمعنى اجيه مشي ولا عن طريق المترو
لا الشانز حذف عصى علي وصف الشيبان اول يا رجال ما تعد للعشره الا انت بوسط الشانز تراك بفيرنت مهوب حي الله ^_^
وش أقرب مطاعم لي تكون أسعارها معقولة جدا
كويك وماك تبي عربي ما هناش سعر معقول الا اذا انت عريس ارخ الريال يا بعدي يبيلها مطعم عربي ولا الحي اللاتيني اسعارهم كويسه
أخيرا وقت العودة متى لازم أكون أن شاء الله في المطار قبل الرحل بكم ساعة وهل في مكتب للخطوط السعودية عشان قطع البوردنق
لازم قبل الرحله اقل شيء 3 ساعات اذا معهاك تاكس فري
تكفون اللي يرد يكتب لي بتفصيل الممل ماودي روابط و دوخة راس
الروابط فيك فيك
أخيرا داري والله اني كثرت الاسئلة بس والله مالي الا الله ثم أنتم تحملوني شويه
ما فيه اسئله كثيره يا غالي بليز احرص علي قراءه التقارير وربي لتعرف اكثر وأكثر
نجي للاماكن فيه موضوع للورد حبيب قلبي خشه واحجز موعد للوفر يفضل الساعه 9 بالمساء حلو الوقت ذا ولا ظبطته هو يكون اهم شيء البقيه بدون حجوزات يا غالي
https://artravelers.com/p/re/503476
فيه تقرير يوكو جديد وكويس كل شيء فيه مفصل وبالاسعار وتقرير المدمر شوف واقرا ما يعجبك منه ونحدد لك خطوط السير معك وقت بس الاهم احجز ايفل يا غالي
https://artravelers.com/p/re/552040

رحم الله والديك يا مشرفنا وما قصرت

شكري والله شوفتك تفرح وتسعد هنا لا تقاطعنا ترى انقطاعي بيقرب عن المنتدي للسفر

فيصل 2006
راح أكون هنا خاصة الفترة اللي تسافر فيها إن شاء الله ما عليك وإن شاء الله تروحوا وترجعوا بالسلامة .

لا خلا ولا عدم يا غالي

السلام اخي
كل شيئ سهل اذا ركبت التاكسي اعطيه أسم الفندق فقط و العنوان وخلي الباقي عليه.
انا اسكن في باريس ادا احتجة اي شيئ سافيدك ان شاء الله

يعطيكم العافية
بس خط السير ماحطيته لي يا مشرفنا الغالي

اي مخطط يا فهد اعذرني اذا ناسي شيء

فيصل 2006
هلابك أخوي فيصل
قصدي خط السير من فندقي اقرب محطة شنهو اقرب لي
من الفندق للبرج ايفيل
متحف الشمع
ديزني لاند( وهل سعر تذكرة اللي اشتريه شامل الالعاب ولا ادفع حق اللعبة )
مول كويس وقريب وسعر جيد (مايكون غالي ) تخبر للمدام
واذا تحملتني اخوي فيصل ابي استفسر عن( الباص الاحمر ) متى يبداء و يقفل
واعذرني مالي الا الله ثم انتم السفر قريب