أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
على فكره بالرغم انني لست من سكان الجبيل ولكن الحق يقال
الجبيل بها افضل منطقة غوص وسباحه بالمنطقه الشرقيه وياتي لها سياح وبعثات علميه من جميع انحاء العالم
يوجد بالجبيل ايظآ منتزه النخيل وشاطىء الفناتير والمنطقه هناك منظمه وجميله وتستحق الزياره
بالنسبه لمطعم اللي في فندق الانتر حلو وممتاز وفي اكثر من مطعم في نفس الفندق وفي يوم للاكلات البحريه من خليج عمان ولا يوجد هناك حاجزلعوائل (البرتشن) وهو نظام بوفيه وسعر معقول
فندق كاران الموفع خلف مبني سابك في الفناتير وفندق جديد ويوجد خصم لسابك
تحياتي من رحيمه وساكن الجبيل الصناعيه
كوني من سكان الجبيل الصناعية حاب افيدك باللي اقدر عليه ان شالله
فيه منطقتين
الجبيل البلد (مدينة قديمة غير تابعة للهيئة الملكية وغالبية سكانها من العزاب والوافدين وعدد مو بسيط من العوائل) ولا يوجد فيها شيء يذكر غير انها حيوية وزحمة يعني كانك داخل حي من احياء الرياض القديمة " البطحاء بس أفضل شوي ".
::
الجبيل الصناعية ( مدينة تتبع الهيئة الملكية وفيها مقومات ومواصفات المدينة النموذجية لكن مافيها شي يجذب السياح غير الصيد والكورنيش والعمل في الشركات فقط)
:: فندق الانتركونتننتال هو الهوليدي إن سابقا وهو فندق من وجهة نظري وبحكم زياراتي له فندق تعيس وخدماته عادية جدا ينصح فيه للجلوس وتناول وجبة فيه او الجلوس ليلا على جلساته الخلفية قبالة الشاطئ. :: هناك مجمع الفناتير مجمع عادي ومحلاته عادية فيها بعض الماركات وغالبية منتجاتهم قديمة وغالية (بحكم انه مافيه مجمع غير هذا) :: من جهة المطاعم عندكم مطعمين تقريبا بس اللي يقالهم مطاعم يعني هما (فندق الانتركونتننتال و أبل بيز في حي الحويلات) :: واذا خاطركم في فاست فود كذا فيه دومينوز "مطعمي المفضل دائما " ذوقوا منه وادعوا لي تراه غير غير ويفضل طلب بيتزا " فيلي تشيز ستيك " ره هجري هيبة وفيه مطعم وجبات سريعة اسمه بابا شريف اكله طيب ، وفيه مطعم اسمه فاز يبي بروستد و فاهيتا حلو بصراحة ، وطبعا المطاعم الامريكية موجودة مثل كنتاكي وهارديز وبرجر كنق. :: و بعد وبعد .. !! وبس مافيها شي واخر الليل عالكورنيش او منتجع النخيل جلسة عالبحر او تمشي او جلسة باللاب توب علما انه يوجد على الكورنيش شبكة وايرلس لاستخدام الانترنت. :: بالنسبة للاخ اللي ذكر فندق كران هو ماهو فندق ، هو اجنحة فندقية قبالة الكورنيش على طول وهي اجنحة تؤجر باليومية تقريبا ب 650 ريال في الايام العادية وفي السيزون ب 1000 ريال. :: نصيحة من عندي .. لا تجيها بايام دوام تعال لها بويك اند افضل لاني اخاف انك تستاحش .. 6.30 ما تشوف احد بالشارع هذا اللي عندي واتمنى اني غطيت لك اهم الشغلات.
انا من سكان الجبيل الصناعيه ونصيحه مني لاتقرب لها حرام تضيع فلوسك عليها مافيها شي يذكر غير اللي ذكره الاخ جفنشي اذا خاطرك بالشرقيه روحي الخبرر احسن على الاقل تحس انك قطيت فلوسك في شي يذكر اما الجبيل الصناعيه منطقه للعمل فقط وبالويك اند على طول للدمام لاهلي
تقبل مروي
خالتي قماشه هلا ورحب فيك انا من سكان الجبيل الصناعيه
اخوي جيفنشي ماقصر ووفى وكفى بس يمكن تبين تتسآلين عن شيء انا حاضر
مدينه الجبيل الصناعيه صحيح انها منطقه عمليه ولاكن تعتبر افضل واحسن مدينه في المملكه من ناحيه
الترتيب والتنظيم والتسيق
عن جدتراها مدينه تستحق الزياره والاطلاع
الجبيل الصناعية مدينة رائعة بالفعل ، ويكفي أنها أنظم مدينة بالشرق الأوسط وتستحق الزيارة
فندق الإنتر ، فندق كئيب وقديم جداً ، ولم يتم تجديده للأسف منذ سنوات طويلة ! مرة كنت ساكن بسويت فيه ، وإذا بفأر يمشي من ورا التلفزيون !!!!
أما المطعم ، فعلى الغداء فهو مزدحم بشكل عام بسبب القروبات التي تأتيه ، وأكله جيد جداً ، وسعره جداً معقول 125 تقريباً مع الخدمة
ولا يوجد وقت الغداء مكان للعوائل ولا النساء كون المطعم جداً مزدحم بشكل عام
الجبيل الصناعية مدينة جميلة تستحق الزيارة
