صباحكم عسل
الموضوع اهداء لمشرفان العزيز الهلالي و باقي الاخوة
على طول و بدون مقدمات طقت في راس اخوك يتزحلق
( يتعلم التزلج ) طبعا ماهي الطقة الاولى العام الماضي
كان لي تجربة جعلها ما تمر عليكم كلها حوادث و حرمت عقبها
بس المقرود ما يخلي القرادة بس هالمرة رزقني الله
بمدرب منتاز جدا و متهور جدا قالي تعرف تتزحلق قلت نيينتيه
( يعني ميح بالايطالي ) قال طيب تعال قص تذكرة باربعة يورو
و خل نركب السلم اللي يودينا فوق الجبل قلت انت صاحي
ولا ايش اقولك نيينتيه و تقولي خلك ذيب بصراحة احرجني
قمت اغني خاربة خاربة المهم طلعنا على قمة الضلع ( الجبل )
و بصراحة جتني ام الركب بس طلعت ذيب ما تراجعت
قال يالله و راي قلت و راك و راك نعنبو الفقر و المعاش الردي
و اخذ هاك الزحليقة و اجيك طاير و لا انا متعنتلا فوق ظهرة
المهم ان الرجال طلع مدرب صح في ساعة وحدة صرت اتزلج لحالي
و واعدته السبت القادم لا كمال التدريب
عاد جبيت لكم كم صورة قلت تشوفون الديرة و البرد اللي ماهو عدنكم
اللي ازعجتونا فيه قبل العام كل كلامكم عن الاسهم والسنة ذي عن البرد
و السنة الجاية الله يستر لا تخشون في السياسة
معلومات عن المدينة
الاسم الترمينلو
تقع شمال شرق العاصمة روما و تبعد عنها حوالي 140 كم
تتبع منطقة رييتي و تشتهر بطبيعة خلابة و شلالات جميلة
جدا وقت الصيف و يتم فيها رياضة الدرجات الهوائية و النارية
و سباق السيارات ذات الدفع الرباعي و في الشتاء تكسوها الثلوج
و تقام فيها الرياضات الشتوية
نسيت لا اقولكم تراكم معزومين يوم الاحد الجاي فوق الضلع :SnipeR (64): 
تقرير جميل وصور أجمل ,،
أنتبه من المرتفعات تراها خطيره .. لي ذكريات مريره مع التزلج في كلورادو بامريكا و وقوع اصابات فادحه لي
لا تطول علينا و تحرمنا ابداعاتك