السلام عليكم و رحمة الله و بركاته
أكيد الكل جرب أو سمع عن كرسبي كريم ... محل لبيع الدونات
بدأ عشقي لها لما كنا ب الافينوز نحضر فلم ... كنا ننتظر الى ان يجي وقت الفلم
ف قلت لزوجي و اختي خلونا نجرب انواع جديده من ستاربكس
المهم طلبنا ... أعتقد موكا بارده و موكا حاره و مدري شنو ... المهم انه انا تفلسفت و طلبت الموكا البارده ههه الله يديم النعمه ...ما عجبتني
لما جابوا لنا القهوه قال زوجي ما تبون نأكل دونات معاها؟
قلت يالله اجرب
و من يومها بدأ الحب الابدي
أخليكم مع الصور : 
كنت مصوره الموكا لكن صورها اختفت
هذي الصور من المحل و احنا نشتري : 
ترى كرسبي كريم له أفرع كثيره ....
و أحدثها ... عندنا
وناسه
بالصدفه ... كنت داخله جمعيتنا ... اللي يسمعني يقول جمعية أبوي
كنت داخله جمعية الرحاب ... و لا الاقي الكشك مالهم ... استانست حيل ..
الفلبنيه شافتني مستانسه و أضحك ولا تقول ... تفضلي مدام ذوقيه ...
و انا ما صدقت ... نسيت ألاغراض اللي جايه أشتريها و خلصت الفلوس على الدونات زوجي ضحك علي لما شافني راده من غير الاغراض
و صرت كل فتره أشتري من الدونات و أخذها معاي الدوام و حتى وانا رايحه بيت اهلي اخذها معاي
صار ادمان
هذي وانا رايحه بيت اهلي : 
لا أحد يشوف السمبوسه ههه مبينه بالصوره توني اشوفها
ان شاء الله تجربون الدونات و تعجبكم ...و يكون عجبكم الموضوع
