- وصلت هنا وقلت للعايله أمشوا للقصر الجليدي
قمة يونفرايوخ – Jungfraujoch
رحلتي الممتعه الى الثلج
خط سير الرحلة
Interlaken Ost
ثم
Lauterbrunnen
ثم
Kleine Scheidegg
ثم
Jungfraujoch
للعوده : عكس طريق الذهاب وممكن النزول باحد القرى الي بتمرون عليها لقضاء باقي الوقت مثل Lauterbrunnen أو Kleine Scheidegg
ممكن الأستعانة بهذا الموقع لتحديد الوقت واليوم المراد الذهاب فيه للقمة http:// url=http://www.sbb.ch/en/]SBB: Home - Online Timetable, Ticket Shop, Online travel shop /url]
طبعا كنت قايله حق اعيالي اني بوديكم للثلج ومن قلتلهم وهم فرحانيين ومستانسين ومش قادرين ينامون من الفرحه
المهم أستعدينا للرحله بوضع الملابس الشتويه والقفازات والجاكيتات الثقيله بالترولي لصغير رفيق الرحلة
قمنا الصبح وعلى غير العاده أعيالي من قلت لهم يله قوموا أقحصوا من أول نداء
لبسنا ورحنا نفطر
وفي طريقنا لركوب الباص حتى يودينا لمحطة القطار التقطت لكم جم صوره
وبعدين ركبنا الباص الى محطة القطار ومن محطه القطار خذينا القطار الي يودينا للقمه وأترككم مع الصور فهي أبلغ من الكلام
وفي طريقنا مرينا على هالمنلاظر الخيال
وبدات بنتي اتملل وتسألني وتراقب الشباك متى بنوصل للثلج
ووصلنا للثلج
وبدت الفرحه
وأخيرا شفنا الثلج
ولعبنا
وانا أصور شفت هذا الخطير وصورته
قلت اكيد بيلبس التي شيرت إذاقرب من الباب
لكن
بعدين رحنا الكافتيريا نريح اشوي
سفينكس – Sphinx
القصر الجليدي Ice Palace
وصلت هنا وقلت للعايله أمشوا للقصر الجليدي
ردوا علي بصوت واحد لا خلاص بنموت من البرد ما نبي خلاص كله ثلج نبي انروح للدفايه وبصراحه انا كنت أنتظر منهم هالرد لان طاب خاطري من الثلج
- * ملاحظه : تحتاج الرحلة 6 ساعات ومن الساعه الرابعه يبدون اينزلون الناس من فوق وتذاكر المنطقه هذي غاليه فلابد الذهاب لهذه المنطقه باكرا المسافه من انترلاكن الى القمه 3 ساعات اشترينا تذاكر القطار الجبلي ب 164 تقريبا طفلين و2 كبار أحسها ماسوت لي تخفيض مع أني أحمل لسويس باس
المهم رحنا لمحلات بيع التذكارات وشريت جاكيت مكتوب عليه أسم القمه عادي جدا بس لأني بردانه بمبلغ 64 فرنك سويسري
ظلينا بالقمه لين ما طاب خاطرنا
لاكن اختي والله فمتوا الكثير لين وصلتوا وما رحتوا للقصر الجليدي ... الصراحة قمة الروعة والابداع ون النادر ان تشاهدي مثله .
يعطيك العافية ... والحمدالله على السلامة .