يعتمد عليك
وكم عددكم وهل تحب السياقه او لا
طبعا القطار اوفر ، لكن السيارة اكثر حريه ( مع ان بعض الاحيان تتورط في المواقف في المدن الكبيره )
والبنزين غالي

الي يحب يريح راسه
القطار

شوف أخوي القرار يعتمد مثل ماقال مشرفنا الهلالي على عدد المرافقين وهل هم شباب أم عائلة وهل معك أطفال كثير وهل الجولة طويلة والمدن كثيرة
انا باستعرض لك مميزات وسلبيات كل واحد منهم:
(1) القطار:
مميزاته_ سريع ، ينظم مواعيدك، مريح من ناحية السواقة والتعب المصاحب لها في الرحلات الطويلة, أوفر بالمصاريف النتقل اذا كان العدد قليل أما اذا كان كثير لأ
تبنى على اساس مواعيد الوصول مواعيد الشيك ان في الفنادق بالمدن اللي بتروح لها
سلبياته_ صعوبة حمل العفش بالذات اذا فيه اطفال أو نساء بالرحلة يمكن عددكم أكثر من عدد الشنط
، الدقة الزائدة في المواعيد ممكن تتورط وانت تطلع الشنط "مثل ماصار لي الاسبوع اللي فات بلندن كان القطار بيمشي واحنا نرفع الشنط بس الحمد لله وضعنا شنطة على الباب عشان مايقفل إلى أن انتهينا من رفع كل الشنط"
اذا كان العدد كبير يطلع تيك ات الدرجة الأولى غالي ومكلف بالنتقل الكثير
تمر من المناظر الزينة مثل لمح البصر
(2) السيارة:
مميزاتها_ وقتك ملكك بالتنقل يعني ماعندك مشكله لو تمشي بأي وقت
توفر عليك التنقل داخل المدينة وغلاء التكاسي وشحططة الباصات "أنا لمست الفرق هذا الآن في بريطانيا الباصات والأندر فراوند مو حلو أبدا عكس الصيف الماضي بالسيارة قمة الرفاهية والراحة والحرية"
الديزل يمكن سعره مثل البانزين يعني حوالي 1.6€ اذا ماخنتني الذاكرة بس انه زي ماتعرف يوفر بالأيام مايخلص بسرعة مثل البانزين.
تحلل المناطق اللي تمر عليها ي"عني مثلا بالصيف كنا طالعين من انترلاكن الى جنيف ومرينا بلوحة تدل على برن وقلنا خلنا نمر عليها وفعلا خذينا لفة وتغدينا فيها وكملنا الطريق"
والله العظيم انا شفت اوربا الحقيقية بالسيارة والآن متضايقة جدا في لندن بدون سيارة
تجربة حلوة بالقيادة تضيف لك خبرات ممتعة
عيوبها_ بعض الفنادق تاخذ رسوم على الباركينج وبعضها مرتفعة توصل إلى 12€ باليوم
بعض الأحيان تدفع رسوم استخدام بعض الطريق "مبالغ رمزية ماتتجاوز 2€"
رسوم الحدود بين ايطاليا وفرنسا تقريبا 49€ وبين ايطاليا وسويسرا 35 تقريبا اذا مانسيت
القرار لك الآن والله يكتب لك اللي فيه خير ان شاء الله

والله العظيم انا شفت اوربا الحقيقية بالسيارة
خذ هذا الكلام على محمل جد الجد الجد الجد
من جرب السيارة لن يقبل بديلا عنها لا قطار و لا طائرة ولا اي وسيلة نقل اخرى لمن يرغب بالسياحة
اقتراح
لماذا لا تجرب سيارة الفان سكن و سيارة و بحدود 50 يورو باليوم لشخصين الى ثلاثة شرط ان لاتاخذ الا التي تعمل بالديزل

شخصيا اشوف القطار احسن وأوفر لك خصوصا اذاكنت تبي تزور المدن الكبيرة بس
أما اذا كنت من النوع اللي يحب يشوف كل شي وكل مدينة صغيرة وكبيرة فخذلك سيارة أحسن
وبالنهاية يعتمد على وش تبي
بالتوفيق،،،