1. ياشباب انا ابي اناقش معكم قضيتين بجديه ::

السلام عليكم ورحمه الله وبركاته
كيف حالكم جميعا ؟

ياشباب انا ابي اناقش معكم قضيتين بجديه ::

الاولى الا وههي ان الواحد يسب في المسؤلين والا يقول متاخرين في الرواتب والدوله عندهم كذا ومقصرين معنا ....
الحين كلكم ماتحمدون ربكم اول شئ انتم ترا يالسعودين والله انكم محظوظين وغيركم الف ومليون واحد يتمناها والله الحكومه حقتنا ماقصرت ووقفت مع الطلاب .. وبعدين انت وياه المفروض تقدرون المجهود المبذول وذلك في تذليل الصعبات للممبتعثين واعرفوا ترا فيه الاف الطلاب الان في الولايات المتحده يعني عليهم ضغط الله يعلم به ... كل هذا عشان مين وبعدين اذا هم اجلوا البعثات وش فيها يعني اعتبر ان مافيه بعثات وبعدين المفروض كلكم مايتركون الدراسه الين يستلم قرار الابتعاث يعني مو الواحد طلعله ضمان خلاص يفصل من شغله والا من دراسته على باله الامور خلاص مشت معه اعرفوا ان هناك خطوات وخطوات .. فاذكروا العالم بالخير كما تحبوا ان يذكروكم الناس به .. ولااحد منكم يعلم لماذا توقفت البعثات فهم لم يوقفوها بغير سبب فلو كانوا بيقفونها بغير سبب ليه فتحوها عشان يتعبونكم يعني والا كيف المفروض تطرح على نفسك هالسؤال ...
وعلى فكره اعلمكم شئ في امريكا والله الناس يشتغلون ويدرسون عشان ايش عشان يدفعون اجر الدراسه وانتم يالسعودين ماانتطلب منكم الا المجهود بس مو لازم تشتغل عشان تدفع اجور الدراسه لان الحكومه الكريمه بتدفعه عنك فوالله ماقلت هالكلام الا من هول ماشفته والله طلاب في عز شبابهم يشتغلون عشان ايش عشان يدفعون للجامعات وعلى فكره ترا الجامعه مو ببلاش حتى للامريكين الكل يدفع ....
واشكروا الله على النعمه فبشكر الله انشالله تدوم النعمه وتزودالقضيه الاخرى
الا وهي الشاعات ياشباب اعلموا ان الله يعلم ماتفعلون وانا كان لبعض منكم يعملها من دون قصد فارجو منكم التاكد من كل خبر قبل نقله ولاتسمع طرف خبر وتكمل الباقي من استنتاجك وتنقله للناس الطيبه اللي هنا في هالمنتدى اعلم ان هناك ناس يثقون بهالمنتدى فلاتكن سلبيا بدلا من ايجابيا ... اتاكد من كل خبر تبي تجيبه هنا لان والله احزن لما ادخل واشوف كل واحد يطرح خبر من راسه على ايش انت وياه تطرحون اخبار من روسكم هل تبون تدمرون هالمنتدى وانا خفت زياراتي لهالمنتدى من اللي اشوفه فيه من لاخبار السيئه والاشاعات التي لاتمت للواقع باي صله ....
اسف على اطالتي ولكن انا والله ماقلت هالكلام الا لمصلحه الجميع
تقبلوا تحياتي