ابن الرفاع
19-07-2022 - 08:50 pm
السلام عليكم ورحمه الله وبركاته
كيف حالكم ياجماعه الخير ... عساكم بخير وصحه ..
شهاده لله في حق هذا المنتدي الطيب .. ما رأيت اعضاء متعاونين مثل اعضاء هذا المنتدى
جعله في موازين حسناتكم ..
لاتقولون هذى المقدمه ترا عشان طلبي الي جاي الحين لا والله .. ولكن كلمه حق لا اكثر ..
المهم يا جماعه انا مرتب اني اسافر في 28 7 / 2009 الي امريكا سفره عسل :36_1_13:
وهذى اول سفره لي لآمريكا وناوي اقضي فيها شهر كامل عشان تصير اسم على مسمى (( شهر عسل ))
ودي من اصحاب الخبره يرتبون لي برنامج سياحي لمده شهر ويكون فيه اسبوع كروز ..
ملاحظه .. ودي اني ازور اهم المناطق والولايات في امريكا .. واعتقد شهر يكفي .. ونا حاط ميزانيه للسفر من غير التذاكر 5000 دينار ..
اتمني اني ماطولت عليكم وغثيتكم بطلبي .. وفي إنتظار الردود من الاعضاء ..
تحياتي
وزين ما خترت امريكا شهر عسل
والله انا مو صاحب خبره في امريكا ولكن قريت مواضيع الاعضاء واهم المناطق المذكوره هي
نيويورك ميامي اورلاندو سان فرانسسكو لاس فيغاس لوس انجلس
لاز ياخوي هل مناطق اتزورها دام اول سفره
واما عن الجدول فعذرهم يمكن اكثر الي داخلين حق قسم امريكا يطالبون في جدول وانا اول واحد منهم ولي الجين ما تمم الرد
اخوي في اعضاء كاتبين جدول رحلاتهم اطلع عليه وخل لك فكره مسبقه وحدد اولوياتك
اسف لاني ما قدرت اساعد