يا أبو غرام القلب يصلاه صالي
آحس في قلبي مثل نغز الأشواك
مما لجى به ما يطيق الجدالي
ما يشكي إلا لك ومثلك وشرواك
أشتقت للي شوفها شف بالي
بأطراف جاكرتا وبأطراف بونشاك
وألا سوكابومي كساها الجمالي
كأنها تقول إن رحت بالله كم باك
أرض الحلا وأرض الحسن والدلالي
تلقى المطر من وين ما كان ممشاك
أيام مرتني وعدة ليالي
وأنا بها مسرور ما آعرف الإرباك
الهيل معنا والتمر والدلالي
مبسوط مستانس عسى الله يرعاك
ما للزعل يمك طريق ومجالي
ما همك أمريكا ولا أقوال باراك
فيها تحس أنك كريم وشمالي
والكل يدعو لك وينسى خطاياك
والبال مستانس ورايق وسالي
سبحان من بيديه تصريف الأفلاك
بعيد عن قالوا وقالت وقالي
وفلان يفعل ذا لأجل مصلحة ذاك
وسلامتكم
علي بن قيم ( أبو غلا )