الدنيا رحله
09-03-2022 - 07:45 am
السلام عليكم ورحمة الله وبركاته
مشكورين على المرور من هنا بس اول شي سمحولي على الكذبة البيضاء هاذي بس قصدي تدخلون وتعينوني
انا مع المدام نبي نروح ايطاليا لمدة 10 ايام تكفون المشورة لكم وانا ماستغني عنكم لو واحد خبرة حطلي برنامج مايكون متعب يعني خمسة ايام في منطقة وخمسة في منطقة ثانية ويكونون قريبين من بعض يعني مايروح يومي في التنقل وعلى فكرة انا في الصيف الي راح رحت النمسا وانبسطت واجد وكانت التكلفة معقولة جدا بالنسبة للمصروف اليومي من تنقلات عبر المترو حقهم والباصات الي باسعار رمزية السكن والتذاكر حق الطيران باخذهم من السعودية ابغى اعرف كم المصروف تقريبن كتمشي باليورو
وابغى احد يقولي هل المصروف اليومي راح يكون مثل ماحصلته بالنمسا ولا في فرق شاسع
لاتبطون علي بالردود واعذروني لو ماشكرتكم بشكل سريع لاني مادخل النت واجد بسبب العمل الكئيب
وهل بحصل طبيعة حلوة مثل الي حصلتها في زيلمسي بالنمسا
وقعدت اقول لنفسي بلاش ياميرة خليكي بعيد عن هالمواضيع اللي تودي بداهيه
والحمد لله ان الموضوع كذبة بيضاء
بالنسبة لاستفسارك لا تتوقع بتلقى بعض من الطبيعة اللي بالنمسا ابدا ...
يمكن سويسرا والمانيا يشابهونها لكن ايطاليا ايطاليا مثلا تشابه اليونان وقبرص تقريبا
المهم اقترح عليك توزيع الأيام على شمال ايطاليا ما اقترح روما
مثلا ثلاث ايام ميلان وثلاث فينيسيا واربعة قاردا
او ثلاث ايام ميلان ويومين كومو وخمس ايام قاردا مع زيارة يوم الى فينيسيا
اما المصروف اتوقع مشابه للنمسا شوي بس الغالي بايطاليا اسواقها
والتنقلات لا تفكر بالمترو ابدا لأنه سيئ وردئ جدا يمكن الترام المتهالك أهون شوي والأفضل تاخذ فندق قريب الدومو عشان توفر مصاريف التنقلات في ميلان
اما كومو وقاردا التنقل بباصات مرتبة وحلوة
وفينيسيا بالجندول او الباص المائي
الباص المائي رخيص والجندول غالي والتاكسي بين الاثنين يعني متوسط
وان شاء الله رحلة موفقة وسعيدة