معقولة مافي ولا رد ..

السلام عليكم
اخي الكريم
اولا بالنسبه للفيزه انا مدري من وين انت اذا انت من الكويت فانا اقدر اساعدك بالفيزا في تعبئة الابلكيشن و ايش المتطلبات و ايش تسوي بالظبط اما اذا كنت من خارج الكويت فاعذرني لان كل بلد لها قوانين
الشي الثانيه بالنسبه للغة هذه المدة التي ذكرتها اقصد عام كامل فهي مدة كافيه لدراسة اللغه بل لتعدي امتحان التوفل حتى لو كنت ما تعرف الحروف
بس ابي انصحك و هذه نصيحتي دائما اياك و الاختلاط مع العرب في امريكا لانك انت تبي تروح تدرس انجليزي فاذا اختطلت مع العرب صدقني لن تستفاد اي شي الا اللهم القليل القليل وسوف تلاخظ تطور واضح مثل بياض الشمس
انت اول ما تجي بتكره نفسك لان مافي احد يفهمك و لا انت تفهم تسمعهم كانهم يقولوا طلاسم بعدين بتتفكك هذه الشفرات مع الممارسه
بالنسبه للتكلفه لهذه المدة فهو يعتمد على خسب ولايتك والجامعه تقريبا من 12 الف فما فوق
بالنسبه للاجراءات ما فيه اي شي الا انك تتكل على الله و تجهز الشنطه و لاتكثر اغراض عشان ما تنبلش فيها للمره الاولى
بس هناك سوف بعض الاجراءات في المطار سوف اشرحلك ايها بعد ما انتهي من الجامعه
وحاول انك تختار ولاية تكون رخيصه و الضريبه رخيصه و ان لا تكون ذاك الثراء الفاحش او فيها ناطحات السحاب لان يكثر فيها معدل الجرائم و العصابات و السرقه

الف شكر اخوي مقهور وكم كنت اتمنى المرور على موضوعي
لمعرفتي المسبقة بشخصك الكريم وبحبك لمساعدة الجميع ...
انا من السعودية حبيب قلبي ..؟؟؟
الشي الثانيه بالنسبه للغة هذه المدة التي ذكرتها اقصد عام كامل فهي مدة كافيه لدراسة اللغه بل لتعدي امتحان التوفل حتى لو كنت ما تعرف الحروف
هذي نقطة مهمه حبيبي مقهور ... انا فعلا ماأعرف باللغه اي شيئ ..فهلا استطيع تجاوز ذلك ..؟؟
وانا متخوف من الأيام الأولى لي هناك فكيف الطريقة السليمة لي في تجاوز الصعوبات في الأيام الأولى من صعود الطائرة
الى نزولي في البلد فلغتي الأنجليزي بالعربي (( لايوجد )) هذا مايخوفني ؟؟
انت اول ما تجي بتكره نفسك لان مافي احد يفهمك و لا انت تفهم تسمعهم كانهم يقولوا طلاسم بعدين بتتفكك هذه الشفرات مع الممارسه
هذا اللي مخليني اخاف اكثر ...
بالنسبه للتكلفه لهذه المدة فهو يعتمد على خسب ولايتك والجامعه تقريبا من 12 الف فما فوق
مافهمت 12 الف للشهر للسنة ... وتشمل ايش المعهد والسكن ..؟؟ ممكن توضيح اكثر .؟؟
اخوي مقهور .. انا ناوي ادرس اللغة الأنجليزي بالمقام الأول .. واذا شفت نفسي ماشي مضبوط وعلى حسب الجو هناك
اذا شفت نفسي تأقلمت فمن الممكن اني انوي الدراسة واكمال البكاليريوس في الجامعة فهل راح تكون سهله علي اني اقدم عليها وانا برا والا لازم اني اقدم عليها وانا هنا بالسعوديه قبل السفر ... ؟؟؟
والف شكر لك حبيبي مقهور ويعطيك العافية والله يوفقك ان شاءالله ...

مقهور
اخ مقهور
ما قصرت على المجهود
ممكن اعرف منك وش احسن الولايات من حيث الدراسه والرخص والجو ؟

اخي alwajm
حياك الله ما سووينا شي بس خلني اكمل ردي للاخ و اجاوب على سؤالك
اخي الكريم حاول انك لاتجلب معاك كثير من الاغراض او اكل لانه ممنوع في امريكا او انك تحضر معاك لابو توب فيه برامج مزيفه حتى لا تندم و تدخل لا قدر الله السجن و تدفع غرامه
الشي الثاني هناك بعض الامور لازم تعبيها في الطياره يسمونها I-94
هذه لسه يبيلها وقت طويل لتجي وفيه تحقيق مثل ما صار معاي
جلست في غرفة التحقيق لمدة سبع ساعات بس لاتخاف مجرد اسئله بسيطه لان اول زياره لامريكا
انا و الله كنت نايم بغرفة التحقيق لان الطياره كسرت ظهري من التعب
ولسه في امور بس تاخذ الفيزا نعطيك اياها باذن الله
ابشر

الاخ الخبيب alwajn
و الله بالنسبه للولايات من ناحية الرخص
انا وجدت فلوريدا مدينة تالاهاسي لعدة اسباب
اول شي المدينه دراسية جو دراسي مافيها ذاك الفرش و المرح
الشي الثاني المدينه جوها حلو جدا الا اللهم بالصيف فيه شوية حر بس مو مثل الخليح
الشي الثالث الضريبه فيها منخفصه جدا يمكن تعتبر من اكثر الولايات حيث ان ضريبتها 7.5%
الشي الرابع فيها جامعة FSU المعروفه على مستوى امريكا
و اي سؤال ثاني فابشر باذن الله

جزاك الله الف خير
ممكن تشرحلي اكثر عن I-94 ؟

يعطيك العافية اخوي مقهور وماقصرت ..
بس فعلا مشكلة اسئلة المطار انا خايف منها لاني ماعرف شي بالأنقليزي

1. اخي الحبيب


2. ابي اقلك هذه القصه اول يومين لي امريكا

اخي الكريم abo666udi
جزاك الله الخير على ظنك فيني هذا الظن و انزلتني منزله اسال الله ان اكون على حسن ظنك فيها و نحن ما نسوي اي شي

اخي الحبيب

بالنسبه لانك خايف من اللغه فلاتخاف ابدا لان ثق بالله لو استمعت للي نصحتك فيه بتشوف تطور واضح وسوف تجتاز هذا وبكل وضوح هذا الهاجس الذي عندك الان كان لدي قبلك وكنت افكر وشلون ابتعلم الانجليزي معقول بيجي يوم اصير اتكلم واتحدث باللغه الانجليزي او اني اشوف فلم امريكي بدون ترجمه كان هذا الشي و الله شبه مستحيل لي
فخذ على سبيل المثال انا يوم وصلت امريكا يوم وصلت المطار ما كنت اعرف غير هذه العباره حتى كانت غلط في غلط
وصلت مطار اتلانا و كان مطار ضخم جدا ضعت فيه و مافيه احد يساعدني ولا احد يفهم علي و خويك رايح لوحده شفت واحد امريكي قلت له انا جديد هنا و هذه تذكرتي ممكن تساعدني وكانت بهذا الاسلوب
I ammmmmmmmm aaaaaaaaaaaaa fresh mmm this is my ticket ooooo can oooo help me ?
الرجل و الله كان نشمي و ساعدني على طول و حطني بالطياره مع العلم انه كان مسافر و طيارته غير طيارتي
بالنسبه لايامك الاولى صدقني لازم تتعذب فيها شويه سوف اكون صريح معاك انا جيت لوحدي و لا احد ساعدني واتكلت على الله و الان كل شي تمام انت لاتحاول تشغل بالك بهذه الشغلات لان اذا فكرت فيها صدقني سوف تلغي فكرة السفر الى امريكا
مدري اذا انت بتجي على حساب الملحقيه ممكن تتصل فيها و تقول انا ابي اسفر لولاية كذا مكان كذا ممكن تعطوني رقم سعودي يساعدني وهم بساعدوك
وانا مدري اذا انت بتجي لوحدك او مع عائله بس انصحك في البدايه تعال لوحدك و بعدين جيب العيله حتى تواجه شي مو حلو

ابي اقلك هذه القصه اول يومين لي امريكا

يعلم الله اني كنت ما اعرف اتكلم شي مطعم الماكدولندز كان بعيد عن بيتي 200 متر كت استحي اروح عليه مدري وش اتكلم و ش اسوي و حتى كنت اخاف افتح باب البيت او الشباك حتى لايشوفني امريكي و يتكلم معاي و ما ارد عليه
و جلست في البيت يومين كاملين و الله بدون اكل الا اللهم شرب المي حتى اتصل علي واحد يمني اخذ رقمي من الكويت وقال انت فلان قلت له نعم قال لي معاك فلان الفلان وانا الحين بزورك
و الله جه و وزراني و جاب لي كورن فلكس قلت له بالله تراني جوعان جدا ابي توديني مطعم اي شي فوداني و جزاه الله الخير
و الان الحمد لله نروح ونتحدث و نضحك وكل شي ولا في اي مشاكل انا بس حبيت اورجيك الفرق يوم وصلت لامريكا و كيف قضيتها جوع و تعب و ارهاق و كيف الان الحمد لله
فانت لاتفكر بهذه الامر الان
بالنسبه لموضوع الطلاسم مثل ما قلت لك لاتخاف والا مالله يبعتلك واحد وتفهم عليه
قسما بالله اول ما طبيت امريكا كنت ما اعرف وش معناة have a good night
ولا حتى اعرف ايش يقولوا كنت اقول يالله متى اعرف ايش يتكلم هذا الابله معاي
بالنسبه لموضوع التكلفه
انا قصدت بحدود 12 الف وفيه معاهد اقل بشويه تقريبا 8500 بالسنه و ليس بالشهر
مصروف البيت اللي في منطقتي تالاهاسي تقريبا تحتاج 1000دولار شامل سكن و اكل و كهربا و ترفيه لمدة شهر يعني تعيش ملك
اذا تعديت هذا المصروف بيكون اسراف و تبيذر لان 1000 دولار كافيه جدا جدا جدا
بالنسبه لتقديم الجامعات انا مدري وش تخصصك حتى اقدر افيدك فيه جامعات تقبل انك تروح للمعهد تبعها و تدخل معهدها و بس تخلص مستويات المعهد كلها تروح للجامعه بدون توفل و فيه جامعات تقبل القبول المشروط و جامعات لا
بس انت تعال و اول شهرين لك هنا شوف الوضع و دور وسوي بحوثات بس الان جميع الجامعات اغلق باب تسجيلها
بس ابي انصحك انك لاتروح ولا اي مكتب من المكاتب اللي بالسعوديه الي تجيب القبول من الجامعات
لانها بتاخذ مبالغ خياليه جدا جدا جدا جدا
و الشي الثاني بتجيب لك قبول من جامعات النغال ما يرضون فيها يعني جامعات منحطه
على كل حال اي استفسار ثاني فابشر باذن الله