مرحبا
انا طبعا مثلك اول مره اروح لباريس بس حبيت افيدك مثل ما استفدت الكثير من هالمنتدى الرائع
بالنسبه لتذاكر الطيران اذا بتسافرون بالخطوط السعوديه احنا حصلنا حجز وبسعر جدا مغري من زمان حاجزين بس لما قرر اخوي يسافر معنا دخنا ما حصلنا له الذهاب سهله بس العوده وبعد ما فرينا المكاتب حصلنا بس الصراحه السعر دبل بس الشكوى لله حجزنا له مضطرين
بالنسبه للفيزا لا تطلعونها لين تحصلون حجز طيران بالاول واوكي بعد حرام تتعبون بعدين ما يحصل لكم حجز
احنا استخرجنا الفيزا من مكتب صدق انه غالي بس يريحك ما يبي منك الا عدد 2 صوره لك متحجبه بس واضح وجهك بالكامل والرجل مكشوف الراس
وكشف حساب بالانجليزي وتعريف من العمل بالانجليزي وهم اللي يترجمونه والباقي كله يسونه من حجوزات وهميه وتامين طبي وتذاكر برضو وهميه حتى الابليكيشن وديته له معبيته قال لا انا اعبيه واخذ علينا 900 ريال وما اقدر اذكر اسمه اخاف ممنوع
اما الفنادق فادخلي موقع لbooking , وحطي التاريخ والمدينه وراح تطلع لك الفنادق واسعارها بس لازم تستعجلون عالفيزا
وهذا رابط موقع booking
https://www.booking.com
حبيت افيدك باللي عندي وان شاء الله خبراء المنتدى ما يقصرون معك
بالتوفيق ان شاء الله

انا ضد فكرة الحجز ب 900 ريال
احجزوا الفندق مبكر والطيران ورحوا للفيفا يخلصها لكم ب 640 ريال سواء في الشرقيه او الرياض
الفنادق معاناه في باريس لانها غاليه فياريت تحددين السعر التقريبي بالليله بالدولار وانا اعطيك وش افضل الموجود
وهل تبينه بالشانز ولا عادي يكون بعيد بس مترو يوصلك للشانز مباشره ؟؟؟
الطيران مدري منين اقلاعكم بس فيه مكتب الاستكشاف بالدمام اسعاره منافسه مع الفطور او انك تحجزين من النت عن طريق Expedia
متطلبات الفيزا
تعبئة نموذج طلب التأشيرة http://www.alfifa.com/alfifa/web-resources/countries/France/France-application%20form.pdf
صورتان فوتوغرافيتان ( بخلفية بيضاء ، وبدون غطاء الرأس بالنسبة للرجال، ويمكن ذلك للنساء بشرط إظهار الأذنان والجبهة.
شهادة تعريف بالعمل موجهة للسفارة تحوي ( الراتب، المسمى الوظيفي، الغرض من الزيارة )
كشف حساب البنك لآخر ثلاثة أشهر ، ولابد أن يكون الرصيد أكثر من 25,000 ريال سعودي
صورة من تذاكر السفر
حجز الفندق ( صورة مباشرة من الفندق + قسيمة الفندق ) ولابد أن يكون مطابقا لحجز تذاكر السفر
تأمين طبي وتأمين السفر
الجواز لابد أن يكون موقعا من قبل حامله
خطاب الدعوة ( لتأشيرة الأعمال )
تأشيرة خروج وعودة للمقيمين
صورة من الإقامة للإقامة
جواز السفر لابد أن يكون ساريا لمدة ستة أشهر من تاريخ المغادرة
الجواز الأصلي مع صورة منه
طبعا حاولوا ترسلون اوراقكم قبل 20 يوم من السفره علشان ماتتاخر مثل ماصار لنا سفرتنا الجمعه الجاي ولسه ماوصلت الجوازات مع اننا مرسلينها من اكثر من اسبوعين
انا انشالله راح انزل تقرير في قسم التقارير اليوم او بكره اقريه واستفيدي منه
واي سؤال انا تحت امرك وبتكون رحله ممتازه انشالله

اختي انصحك تبعدين عن المكاتب السياحيه وخاصه اللي ذكرتيه ضارب سعره
يعمل لكم حجوزات دبل والنت ارخص منه
الان ,, اعملو حجوزاتكم بنفسكم بدون مساعدة اي مكتب وحتى الفيز انتو اعملوهاا والان قبل تاخر الوقت
1- حجز طيران شيكو على السعوديه ذهاب وعوده وشوف كم سعرها ولابد تحددون عدد ايام السفر
2- حجز فندق كم سعر الليله اللي في ميزانيتكم.وعدد ليالي اسفر
3- تأمين للسفر
4- استخراج الفيز جمعوا الاوراق المطلوبه من هنا https://artravelers.com/p/re/375779
الفيز قد تكلفكم 400 للشخص والمكتب بيطلعها من غير الفرنسيه وقد تصل الى ضعف المبلغ
تقريبا الميزانيه الموضوعه للسفره كم؟؟

في أغلب الأحوال إن لم يكن دائما الحجز من النت أرخص من مكاتب السفريات .

مع الفطور المكاتب اوقات تكون ارخص

اشكركم اخواني واخوتي على ردودكم يعطيكم الف عافية والله فاجئني حبيبي بالحجز عن طريق مكتب وكلفت ا لتذاكر عن طريق الخطوط السعودية 12ذهاب وعوده والفيزا 1600 وماكان ودي يكون المبلغ كذا بس ان شاء الله تكون رحلة ميسرة وسعيدة بأذن الله

نسيت شي مهم ابغى اسألكم عنه لو أحجز تذكره لدزني من النت بقدر ادخل بسرعه او لازم استنى الدور حتى لو معي تذكرة والبرج والنهر كذلك .... افيدوني

مافيه زحمه ديزني هالايام تدخلين بسهوله صراحه

احلم بباريس
صلى على الحبيب
حالي كان من حالك بالضبط والحمدلله تحقق الحلم
(كل اجراءات السفر عملتها وانا جالس في البيت لا رحت مكتب ولا هم يحزنون
1- بالنسبة للفندق انصحك بفندق اسمه (رويال ماقده) قريب من قوس النصر وموقعه جبار (الحجز عن طريق موقع بوكنج)
2- الفيزا ( استخرجته بنفسي (بدون مكتب ولا غيره واخذو علي سعر الفيزا 380 ريال فقط ) من مكتب السفاره الفرنسية اللي في الرويس وليس خلف وزارة الداخلية
3- تذاكر الطيران حجزتها ايضا من النت (موقع الخطوط السعوديه) وقطعت التذاكر من المكتب
بس هذا كل اللي يبغالكم تسوونه عشان تسافرون لباريس
ملاحظات على الطاير
بالنسبة للفيزا ممكن زوجك يروح السفاره وياخذ الابلكيش من عندهم والطلبات ويجهزها ثم يجيبها لهم
بالنسبة لبطاقة الفيزا ماستر كارد ممكن تاخذونها من البنك الاهلي برسوم 100 ريال (مسبقة الدفع وانتم تودعون المبلغ اللي تبون وايضا تستخدمونها في الحجوزات (اذا ماعندكم فيزا ماستر كارد)
بالنسبة للفلوس افضل حملها كاش وترتيب المصروف بحيث قبل السفر تطلعون حق الفندق على جنب ومصروفكم اليومي على جنب ومصروف التسوق على جنب عشان تكونو مرتاحين واموركم مرتبه 100 في ال100
بالنسبة للتصرف هناك لا تشيلون هم شي الحياة حلوه وسهله والامور تمام التعامل ممتاز والبلد فعلا تترك اجمل اللحظات والذكريات كل بلدان العالم حلوه وفيها جمال وكل شي بس (باريس) دائما لها طعم اخر بالذات في الليل
وهذا موقع رويال ماقده من موقع بوكنج
https://www.booking.com/hotel/fr/royalmagdaetoile.ar.html?aid=1300939