زور موقع فنادق الكويت وشوف صور الفندق من الداخل كي تقرر :
http://www.kuwaithotels.info

تسلم اخوي
اي افضل منهم طيب

كلهم زينين بس الكورنيش احسنهم

الافضل على ما اعتقد ريتز السالميه و الكورنيش صحيح موقعه حلو بس مايمدحون غرفه على فكره انا امس مريت على اجنحه فندقيه في السالميه اسمها الاليزيه وموقعها خلف مطعم مروش وشكل العماره جدا راقي من بره واعتقد ان توه فاتحينه
اما الميزانيه لخمسه ايام فاعتقد يعتمد على عدد الاشخاص وعلى الاماكن اللي بتروحلهافمثلا المطاعم لها ميزانيه واسعارها مقاربه لاسعار مطاعم السعوديه و تذاكر السينما لها ميزانيه فمثلا سعر التذكره دينارين ونص واذا كان عندك اطفال وحاب اتوديهم مثلا الترفيهيه فسعر التذكره ثلاثه دنانير ونص اما الشعب فالدخول نص دينار واللعبه تذكرتها تتراوح بين الربع والدينار
وحياك الله بالكويت

والله شوفي ريتز السالميه وايد غالي اكو عماره يمه لونها احمر او برتقالي
3 غرف ومطبخ وحمامين وانتي بكراامه .... ويوميتها 30 دينار وايد حلوه واغلب الناس انا اطرشهم لها يم ريتز السالميه يمكن نص دقيقه

السلاام عليكم
بس ممكن اخوي ياناسينا إنه تذكرلي هذي الشقه لا أنه انا شفت في احد المواضيع حطيت الرقم بس قالي انه الرقم غلط .. فمادري لو كان فيه رقم ثاني..
ولو فيه احد عنده فكره عن كراون سويتس إلي من جهة المارينا هل هي كويسه ونظيفه؟؟؟
ولو كان ممكن اخوي الملك إنه تعطيني رقم أو موقع الاليزيه...
ومشكورين

فندق الكورنيش حلو واسعاره ايضا حلوة
الفندق نظيف جدا والغرف مناسبة بالنسبة للحجم والاثاث نظيف ايضا
وموقع الفندق قريب حيل من المرينامول وسوق السالمية ومجمع الفنار والمقاهى والمطاعم
الموجوده بالمرينا كريست
واذا صار لكم نصيب بهذا الفندق انصحكم بالغرفة الديلوكس لانها كبيرة ومريحة نفسيا
واطلالتها رائعه
بالنسبة للاسعار :
الغرفة العادية 55 دينار + 15%
الغرفة الديلوكس 65 دينار + 15%
السويت 77 دينار + 15%
وهذه صور للفندق من عدستى الخاصة

الاطلالة من الغرف

الغرف

والله أنا مع أخوي عاشق الخيال...
و إذا ماكان فيه نصيب أنصحج بالريتز يعني مو ذاك البعد عن السوق و المارينا...الله يعطيك العافية أخوي عاشق الخيال على الصور.
:kashkhah: