schoko
18-08-2022 - 06:26 am
السلام عليكم
وربي انتو صراحه كلكم عسل مررا
وشفتكم تساعدو بعض بطريقه تجنن
الله يسعدكم
انا رحلتي يوم 19سمتمبر
وارجع 6 اكتوبر
انشالله حنسافر لاول مرا على ماليزيا
ابغاكم تساعدوني انا وزوجي ف الاماكن وكدا
لين دحين ماحجزنا شي
بس التداكر طبعا
يعني ك شي مبدئي
اقترحت
نروح سلانجور من المطار
يومين
بعدها كوالالمبور برضو يومين
ولنكاوي 7ايام
وبينانق يومين
ونرجع كوالالمبور 3ايام
وبس
هوا ترتيبي تمام كدا و لا اغيرو
عرفت انو لنكاوي لازم طياره بس كم سعرها ؟
بس بينانق كييف؟
والله ماندري عن حاجه
الفنادق لين دحين اخدت من مواضيعكم فكره مررا كويسه
وقررنا على كم فندق
ميزانيتنا للفنادق انشالله 15الف
كم يكلفنا انو نتمشى ونفل تقريبا؟؟
الله يسعدكم جميعا
وانشالله ادا رجعنا حسوي تقارير عن كل شئ وافيدكم زي ما انشالله حتفيدوني
ولكم جزيل الشكر
عن سلانجور
في فندق قريت عنو ف تقرير هنا
اسموempire hotel subang
مرا حلو
بس مو عارفين موقعو تمام احسوو بعيد عن كل شئ م ادري بس احساس
لان سعرو حلو وشكلو حلو مرا وتحمست اروحلو
يعني هوا احسن ولا صن واي بيرميد
وكوالالمبور
رويال شولان ولا بارك رويال ولا تايم سكويرز
بالنسبه للي اقرب لشارع العرب و البرجين
و يبينانق
روك هارد ولا بارك رويال احلا
طلبااتي كترت اعدروني بس ماانعرف شئ