مرحبا اختي
بالنسبة للاسعار اشووفهاا ممتازة
وبصراحة مارحت قبل لكوالا
لكن اللي اعرفة ان ولاية سيلانجور تبعد حوالي 25 الى 30 دقيقة من العاصمة
وفيها اشهر منتجعات ((فندق الخيول الذهبية& منتجع الصن واي لاجون))
وبصراحة انا حجزت بصن واي لاجون الشهر القادم حسب نصايح الاخوان
وبالضبط حجزت بالفلل التابعة للمنتجع (( عشان فيه مسبح خاص ))
وانصحك اختي بان تزورين هالمنتجع لمشاهدة السوق المائي والالعاب المائيه
وبعدين بكوالا انتوا حجزتوا فندقين
انا اقترح ان تضيفون فندق الويستن (( على شارع العرب )) وفخم جدا
هذا طبعا من نصايح الاخوان وانا حجزت فيه بعد للعلم
وان شاء الله الاخوان راح يفيدونك اكثر مني
والكلمة الأخيرة لكم
اخووك الراايق

Um_khawaly
أكيد أنها ستكلفكم كثيرا ؛ لأن غالب القيمة سيكون للتذاكر ، لذا لو زدتم الأيام قليلا فستقل تكلفة اليوم الواحد عليكم ...

اختي الكريمة كوالالمبور فيها عدد كبير من الحدائق والمنتزهات ومدن الالعاب والأسواق
أنصحك بزيارة منطقة الصن واي لاقون والخيول الذهبية وطبعاً زيارة البرجين وبرج الاتصالات
ويمكنكم اخذ جولة مع الباص السياحي الذي يأخذكم لاهم المناطق السياحية ليوم كامل
كذلك منطقة بترجايا هي المنطقة الرئاسية فيها قصور الرئاسة وفيها مسجد كبير على الماء
هذا ما ذكرته حالياً وأنصحك بالاطلاع على تقارير أبو لينا فيها تفاصيل كثيرة عن المدينة

Um_khawaly
انصحك بفندق داخل البلد وجميل مثل ويستن وحسب ماسمعت ماريوت ومندرين
لانهم قريبين من شارع العرب والبرجين
انصحك بغير الطيران الماليزي
صن واي لاقون تبعد حول 30 دقيقه
لاانصحك بالقريه الفرنسيه وانسيها وبالعكس روح-ي جنتنق
روحي شلالات
ايضا حديقة البحيره داخل كوالا LAKE GARDEN
يقفلونها بدري يمكن 7 الليل
افضل الاسواق SURIA KLCC
وفيه حديقه بالخلف جميله بس الله يعينك على الجو كتمه ورطوبه
السوق الصيني حق التقليد وشي راجع بسي جيد بس لازم تكسرين سعرهم الى 80% تراهم حراميه بس يدرون انا خليجين يطقون بالسعر فوق
انصحك تروحين صن واي لاقون والجلسه هناك في اللوبي جميله خصوصا بالزاويه الدائريه دوريها وتلقينها
قبل ماتروحين الفندق شوفي على يمينك مقهى فرنسي باللون الاحمر
اسمهFLAM CAFE
فرنسي ايطالي وانصحك بالبيتزا السي فود الايطاليه واللحم الفرنسيه وتراميسو والجلسه يفضل تكون على الكنب الخارجي شي ثاني
انصحك بزارية البحيرات حول الخيول الذهبيه فيه بحيرتين والتمشي فيها بالاقارب نص ساعه والجلسه في بهو الفندق جميله

ولكم وين الناس العارفة ترد على الموضوع

الراايق
ما شاء الله الكل ما قصر .. مشكورين ..
ونتريا ردود البقيه علشان تعم الفائده ع جميع زورا كوالالمبور ..

انا مثلك رحلتنا 10 ايام بس شهر عسل وبتكلفنا 12 تقريبا شامله كل شي ليش كلها بكوالمبور وكلها بتسوق ترى يقولون البضائع متشابهه
شوفي بس من يتكلم ههه المهم
خلو رحلتكم سياحية وباخر يومين خلها تسوق
انا اقولك يومين صن واي لاجون
4 ليالي بيننغ
4 ايام كوالمبور وممنكن منها تروحون يوم القرية الفرنسية ويوم لجنتق
واليومين الاخيره روحي تسوقي
واذا ماعجبك حقي
في حديقة الفراشات والفراشات المضيئة وحديقة الحيوان وحديقة الطيور وحديقة اليك جاردن
وحديقة البرجين
منارة كوالمبور
والنوافير الراقصه
روحي يوم جنتق ويوم صن واي لاجون ويوم للقرية الفرنسية
وشوفي بعض التقارير ان شاء الله تفيدك
اتمنى اكون ساعدتك

بالنسبه لفندق صن واي لاقون انا اخذت فيلا وفيه واحد من الشباب له موضوع بالخصوص هذا بالصور وبصراحه نفس ماوصف وانا اخذتها اخر ليله بسعر 1366 رنقت من عند الفندق مباشره
دخول الفيلا يكون 4 العصر بس الواحد يحاول فيهم يدخل قبل
انا جربت وزبطت معي
جربت خطوط ماليزيا من بوكت الى كوالا كانت قرف يمكن عشانها رحله ساعه فقط
انا كنت جاي عبر الاتحاد بس لاانصح بها

دلوعتة
تسلم اخوي على التفاصيل ..
بس نحن ما راح نسكن ف صن واي لاقون .. راح نخصص الها يوم ان شاء الله علشان نفتر فيها
بالنسبة للطيران الماليزي الداخلي .. والله نحن مجربين الداخلي والدولي كلهم ممتازين الحمدلله ..
يختلف طبعا من شخص لشخص .. ويمكن ظروف سفرك والاجواء كانت مختلفه .. كل شي جايز ..