دموع الورد
31-03-2022 - 08:31 pm
.. السلام عليكم ..
كيفكم ؟ شو أخباركم ؟
بالبداية حابة اشكركم على الجهود المبذولة في القسم
عن جد استفدت وايد
عندي مجموعة استفسارات ، راح اعذبكم معاي بس تحملوني
1- قرأت في المنتدى ان الشنغن تاخذ تقريباً 20 يوم لما تطلع
دخلت موقع السفارة الفرنسية في البحرين و لقيت كاتبين تاخذ بين 5-6 ايام
و هذا الكلام اللي قاله لي ابوي ، الحين شنو الصح ؟
2- موعدنا نروح السفارة للفيزا تاريخ 29/6 و احنا للحين ما حجزنا فندق
بجد مكتب السفريات عذبنا ! كل ما نكتب لهم فنادق قالوا مافي مافي !
المشكلة انهم يقترحون علينا فنادق وايد غالية ، مثلاً نابليون !
انا شخصياً قناعتي الفلوس اللي بصرفها على فندق بقعد فيه بس وقت النوم
اصرفها على الأماكن السياحية و التسوق احسن
وهذيلا مال المكتب كل شي مو موجود الا الفنادق اللي اسعارها غالية موجودة !
قلت بحجز بالنت بس ابوي مو مقتنع بسالفة النت !
المهم ما ابي اطول عليكم ، ياليت تقترحون علي فنادق اسعارها معقولة
يعني مثلاً الليلة ما تزيد عن 120 دينار
3- المترو ، هذا الاختراع اللي مو قادرة افهم عليه
و الله عن جد خايفة نضيع خ ، كل ما اطالع خريطة عيوني تحول
ابوي يقول راح يكون سهل لما اجربه و الله اعلم ، المهم :
سؤالي بالنسبة للمترو ، الحين كل ما بروح مكان لازم اكون عارفة محطته ؟
انزين هذيلا شنو اللي بيحفظني اياهم !
سؤال ثاني ، سمعت ان في انواع للتكت ، ممكن حد يوضحهم لي ؟
و شكراً مقدماً لكل اللي بردون علي و يتحملوني
أختكم : دموع الورد
Help Please ..