أنا أخدمك بعيوني ..
أجيب لك قبول إن شاء الله خلال مده ما بين الثلاث ايام إلى الاسبوع ..
وهو بين يديك .. قبول جامعي مشروط ومعهد اللغه تابع للجامعه يعني عز الطلب ..
بس فهمني أول ..
شلون الوزاره يقولون لك جيب قبول جامعي ونعطيك الضمان المالي والتذاكر !
هذول ناس يلعبون على الخلق ..
الخطوة الاولى هي الضمان المالي وبعده القبول ..
وبعدين أنت أوراقك من ضمنها ضمان بنكى ! هذا يعني أنك بتدرس على حسابك ؟
طيب وش دحل الوزاره طالما بتدرس على حسابك !!
والله أني محتار من وضعك مو فاهم بالضبط .. يا ليت تشرح لي بشكل أوضح ..
أما الاتعاب هي الدعاء بقلب صادق ..
وأتشرف بخدمتك وانا أخوك ...

تسلم يالرصاصي وتسلم عيونك
ويسلم من رباك على الطيب
أبقولك وش السالفة يا حبيبي
هذي طريقه سووها الشباب بالدفعه الآولى
أول شي نقدم على موقع الوزارة وناخذ رقم التقديم على البعثات
في فترة التقديم نجهز أوراقنا كلها بحيث يكون
قبول الجامعة معك وعلى طول نطمر لسفارة ونطلع الفيزا
نروح للوزارة نقول لهم هذا الأوراق كامله
يعطيك الظمان المالي والتذاكر ( كأنهم يقولون فكنا من شرك )
وهذا إلي بسويه إن شاء الله
بس هذي المره تأخرت شوي
يعني بروح للوزارة ومعي القبول ثم السفارة
بس أهم شي القبول وخطاب ال I20 المرفق مع القبول
بكذا نكون قطعنا نصف المسافه
أخوي الرصاصي
وشي الأوراق إلي تبيها
والشيك المصدق كم تبيه يكون
راح يكون في داخل الضرف 40 دولار حقت أرسال القبول بالدي أتش أل
التخصص تسويق
إذا ممكن تقولي بأي ولاية
وبعض المعلومات الله لا يهينك

أنت أدري فيهم إلعب فيهم وحاول تاخذ حقك بيدك ..
يكفي الواسطات ما خلت شي .. وما يجي ورى أبو واسطه غير النسب التعبانه ..
أجل طلاب نسبهم 55 و 60 % مبتعثين لأمريكا خير !!
هذا غير مستواهم اللي يقص الوجه في المعهد كيف إذا وصلوا الجامعه !
مع أني أشك أنهم يوصلون للجامعه !
على كلن أنا في ولايه : Tennessee
وهي مو من الولايات البطرانه يعني المعيشه فيها رخيصه وهذي ميزة ..
المدينه Martin .. وهي قريه بشكل أصح ..
أما الجامعه هي : The University of Tennessee
http://www.utm.edu/
بالنسبه للأوراق هي ..
شهادة الثانويه العامه
صوره واضحه للجواز ( واضحه جدا )
الضمان المالي أو الشهاده البنكيه بالدولار ..
أما الشيك فما أدري كم قيمته ..
بسأل الادفايزر وأرد لك خبر بعد ثلاث ايام ..
لاننا في ويك أند .. وبعد الويك أند عندنا هوليدي ( يوم أجازة )..

أخي الغالي الرصاصي ...
لو سمحت أنا معيد في جامعة الملك خالد واريد أن أحصل على قبول في أمريكا ..
الله يوفقك دلني الله يجزيك الجنة .

الله يجزاك خير يالرصاصي
ما شاء الله مدينة جميله
دخلت على موقع الجامعة وزاد حماسي لدراسه
وقمت بجوله عليها
شي راقي مرتب
جعلك ما تشوف مدرسة الجبيل
المكيف خربان ومن قوة الرطوبه الطبشور ما يكتب على الصبورة
إذا شفت مدارسهم في أمريكا ومدارسنا تخنقني العبره
الله كريم
أوراقي كلها جاهزة داخل الضرف
أنتظر بس ترجع من الويك إند بالسلامه
وتقولي كم شيك الجامعة للقبول
0دولار كاش داخل الضرف للأرساليه
ولا تنسى ترسل لي عنوانك
على بريد

• * يمنع كتابة الإيميل او الأرقام الشخصية **

الإدارة
دمت بعافيه

أبو مارية
المطلوب منك كخطوة أولى ..
إما ضمان مالي من الوزاره .
أو
شهاده بنكيه بقيمه 20 ألف دولار على الاقل..
بعد هذه الخطوة تراسل الجامعه ..
ولما يوصلك ال I-20 تقدم على فيزا ..
وبكذا تكون قاطع نص الطريق ..
الله يوفقك ..

أمريكا كلها روعه ..
المدينه تعجبك إذا أنت من هواه الطبيعه ..
أرسل لك إيميلي على الخاص ..

السلام عليكم
اهلين اخوي الرصاصي
انا ابي قبول لاخوي في اي جامعه امريكية ماستر تخصص التجارة الالكترونية
مع العلم خلص سنة انجليزي بس باقي القبول الجامعه
الله يوفقك دلني على ابطريق الصحيح
للعلم قدمنا على 5 جامعات ولم يتم القبوول