السلام عليكم ورحمة الله وبركاتة
شلونكم شخباركم
انا احترت وين احط موضوعي وقررت احطة بهل القسم
وذا مكانة غلط ارجو من المشرفة انها تنقلة
تعرفون حر الكويت والغبره بعض المرات ما ودج تطلعين من البيت
بس تشتهين تاكلين من اكل المطعم ك تغير المهم ان انا دايم اطلب من طلبات
بس مشكلتهم ماكو صور والشي الثاني اكثر المنيو بالانجليزي وانا الله بالخير
ماكو لغة كلش
ولازم تطلبن من موقعهم وانا ودي اتصل واتطلب على كيفي مثلا اذا ماابي فلفل اخضر
لاني معدتي تتعب من الفلفل الاخضر ههه قلت قصة حياتي
المهم ذاك اليوم قاعده احوس بالمواقع الكويتيه والفيس بوك لقيت موقع فرش يديد شكلي
انا اول وحده تطيح علية ِِ
اسمه قائمة المطاعم الكويتيه فية المنيو مال المطعم وصورة الوجبة وناسه
تصدقون فيه فريج صويلح حاطين المنيو مالة ورقم تلفونة عاد انا ما صدقت على طول طلبت
منهم اكلهم نطع ماشاء الله
والاحلى ان فية قسم حق الحلويات وقبل يومين دقت مرت حماي قالت بزوركم عاد انا توهقت ماادري
شسوي حلو واصلا مالي خلق ولا في وقت اروح اشتري حلو المهم دقيت على حلويات الفيصل
وقالي مجموعة حلويات بس خفت اشتري لان ماشفت شكل الطلب وطرى على بالي الموقع
وشبكت على طول وطلبت من جاكليت
حلى السنبون وحلى الدرابيل روعه يا بنات انصحكم تجربون لذيذ خصوصن حلى الدرابيل
اهو الموقع يدي من شكله لان مافي مطاعم وايد بس ماشاء الله كل يوم يحطولج مطعم وتزيد قائمتهم
المهم الي ابي اوصله لكم من خلال هذرتي الزايده ان الموقع عجبني لان مو لازم تطلبين عن طريقه
الموقع نفسه وان المنيو مالهم فيه صور
وفادني وايد وحبيت افيدكم فيه خصوصن للي تموت على المطاعم مثلي
وبعد كل هل المقدمه الطويله العريضه هذا هو لنك الموقع وبالعافيه
http://www.q8rm.com/
منقول