امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سجينة حبي
22-07-2022 - 09:56 pm
انا كان موعدي اليوم واللي عمل معايا المقابله كان واحد اعوذ بالله مكشر وتحس انه واخد قرار بالرفض من قبل ما يتكلم معايا اصلا
المهم انه كلمني من وراء الزجاج وبدون ما احط سماعه علي ودني
صحيح ان الصوت بتاعه كانت يخرج عبر الزجاج ولكن لم اكن استطيع التمييز جيدا ماذ يقول فاضطريت ان اسأله ماذا يقول وبعدين قالي السؤال بالعربي بس وهو زهقان مني علي الأخر وقاعد ينفخ اعوذ بالله وده خلاني مرتبكه جدا في المقابله واكيد ده كان من ضمن اسباب الرفض
المهم هو سألنني كام سؤال وخلاص وبعدين شاف كشف حساب البنك وكان فيه 2000 دولار وسألني عن وظيقتي ومرتبي وقالي للأسف لا يوجد فرصه للسفر هذه المره
نزل علي الخبر كالصاعقه لدرجة اني حتي لم اسأله لماذا الرفض
المهم انا في حاله نفسيه سيئه للغايه ومش عارفه اعمل ايه
ويا تري لو حبيت اقدم تاني عالفيزا يكون بعد ايد ايه انا كانت المقابله عندي النهارده اقدر اقدم امتي تاني يا ريت حد يقولي


التعليقات (9)
YUSIF
YUSIF
أولا .. قال تعالى : وعسى أن تكرهوا شيئا وهو خير لكم وعسى أن تحبوا شيئا وهو شرلكم والله يعلم وانتم لاتعلمون
ثانيا : المسألة أولا و أخيرا تعود لمزاجية الشخص الذي يقوم بالمقابلة
وهناك الكثير الكثير من التناقضات و الفوارق فيما بين الأشخاص الذين يقومون بالمقابلة في السفارة
بحسب ما يرون و في الغالب بحسب المزاجية رغم أن المتطلبات موحدة لدي جميع المتقدمين لطلب الفيزة و الجميع يوفر المتطلبات كما طلبت بحسب دواعي السفر و أسبابة .. ألا أنة في الختام يكون الفيصل في القبول و الرفض هو من قام بالمقابلة
لم تذكري في أي بلد تم رفض طلبك من قبل السفارة
ولكن لكي الحق في التقدم بالطلب أي وقت تشائين كما أن لهم الحق في القبول و الرفض
و من واقع خبرة و تجربة .. يستحسن أن لا تقومي بالطلب على الأقل مدة ثلاث أو أربع شهور من تاريخ
رفض طلبك الأول - أكرر على الأقل 3 أو 4 شهور
والأمور في تحسن مع مرور الوقت في كل السفارات الأمريكية
بالتوفيق

سجينة حبي
سجينة حبي
شكرا اخي يوسف علي ردك الكريم
انا تم رفضي من سفارة القاهره في مصر
عندك حق في كلمة ان الرفض والقبول يكون تبعا لمزاج الشخص الذي يجري المقابله
وللأسف هو اربكني كثيرا لدرجة اني كنت اتلعثم في الكلام بدرجة كبيره ولم انطق بعض الكلمات صحيحه ولم يفهمها مني
وانا اصلا كنت ذاهبه لزيارة صديقه امريكيه لي وعندما قلت له اني معي صوره من باسبورها شاور لي بيده انه لا يريد رؤية صورة البسبور
اني نفسي اعرف يا تري سبب الرفض كان ان لغتي كانت غير قويه ام اني مرتبكه ام ان حسابي في نظره قليل ام ماذا

Impact
Impact
الرفض اكيد لعدة اسباب ..
من اهمها الراتب .. كشف الحساب غير مطمئنين .. يعني يخاف انه تروحوا امريكا وما ترجعوا !!
ليس لديكم اي شي يخليهم يقتنعوا ان اوضاعكم تجبركم على العودة الى مصر !!
وهذا اهم سبب والسبب الرئيسي !!
اتمنى لكم التوفيق

بنت الصقور
بنت الصقور
بالإضافه لكلام المشرف الفاضل ، زيارة صديقه أو صديق في امريكا ليس سبب كافي للحصول على الفيزا ...

سجينة حبي
سجينة حبي
  1. وبعدين العمل ميطمنش ليه اخي امباكت


انا كان معي اوراق لو كان اداني فرصه او طلبها كان هيقتنع اني راجعه لمصر تاني زي مثلا كنت واخده شهادة وفاة ابويا وبطاقة امي وفيها طبعا واضح ان سنها عدي الستين بتلات سنوات ربنا يديها طولة العمر والصحه ويخليها ليا يا رب وكمان كنت واخده شهادة زواج اخواتي ليتأكدوا ان اخواتي كلهم تزوجوا واني الوحيده اللي اعيش مع امي واخويا الصغير واني لازم ارجع بلدي مصر عشانها
وكنت واخده صوره من بسبور اختي اللي تعيش في السعوديه مع زوجها ليتأكدوا ان امي مالها غيري يعيش معاها
لكن للأسف هو مطلبش مني حاجه منهم ومكنتش عارفه اقدمهم انا من غير ما يطلبهم ولا اعمل ايه
كمان كنت واخده معي عقد يوضح ملكيتي لشقتي واني كمان اؤجرها بمبلغ شهري كويس وكمان الكريدت كارت والفيزا اخدتهم معايا

وبعدين العمل ميطمنش ليه اخي امباكت

هو سألني تعملي منذ متي قلتله منذ 2005 وقالي مرتبك كام قلتله بالمصري ولا بالدولار قالي اي حاجه قلتله 2000 جنيه مصري وكمان انا كاتبه في الابليكشن بتاعي اني ذاهبه لزيارة صديقتي الامريكيه وللسياحه وزيارة اماكن اخري وذكرتها في الابليكشن وكمان كنت عامله ورقه كاتبه فيها بروجرام الرحله بتاعتي والاماكن اللي ناويه ازورها هناك وكمان كنت واخده معايا حجز الطيران وكل ده مطلبش انه يشوفهم انا خلاص بجد ربنا يعلم الحاله اللي انا فيها الوقتي
خصوصا انكم تعلمون مشكلتي انا مش عارفه اعملهم ايه بس عشان يصدقوا اني راجعه تاني بلدي واني مش هعيش هناك احلف علي مصحف ولا اعمل ايه ربنا يهديهم بقي
انا حتي الأكل والله حاسه انه طعم متغير في فمي والماء كل ما اجي اشرب احس ان الماء طعمه لايطاق ولا لي نفس للأكل ولا عارفه انام من ساعة اللي حصل

YUSIF
YUSIF
طالما أن أسباب السفر كانت بداعي زيارة وسياحة
فالمؤكد أنة و بدون تردد قرر رفض طلبك بسبب عدم قناعتة بأن لديكي النية في العودة لبلدك
و لتلافي هذا في المستقبل .. عليك الأنتظار مدة أطول طالما السفر ليس مهم لدرجة كبيرة
ولتكون ستة أشهر أو أكثر
و قد يفيد نوعا ما أن تحصلي على أيميل من صديقتك الأمريكية بدعوتك لزيارتها و تشير فية بأنها ترغب
في إستضافتك لديها
كما أن الهدوء و الأختصار في الأجابات أثناء المقابلة عامل مهم
و الله كريم

medzi
medzi
متزعليش
الإنترفيو بتاعي كان إمبارح
أنا كنت مجهز أوراق كتير لو كان شاف الموّظف
اللي عمل معايا الإنترفيو ربعها مكانش رد لي الباسبور
أنا بقى تقريبا ً مسألنيش في أى حاجة
غير إنت رايح ليه ؟ قولتله علشان كذا , قالي إنت شغلتك كذا ؟ قولتله أيوه , قالي الأبوين بيشتغلوا إيه ؟ قولتله كذا
بعدين إداني ورقة فيها case number و قالي أعمل تشيك ع الويب سايت بتاعهم
أنا عارف إن الفيزا إترفضت و حتى لو قبلوها ( مظنش يعني ) ها يكون ميعاد السفر راح
.
.
.
قدّر الله و ما شاء فعل , أكيد اللي ربنا ب يعملهولنا هو الأحسن
ف خليها على الله و ربنا يوفقنا جميعا ً

سجينة حبي
سجينة حبي
للأسف اخواني ان السفر بالنسبه لي مهم جدا وهو لان زوجي هناك وهو معه الجرين كارد ولا يستطيع ان يأخذني الا بعد حصوله علي الجنسيه وطبعا قدامه حوالي خمس سنوات ولأن بسبوري وبطاقتي الشخصيه مكتوب فيهم اني لست متزوجه فقررنا انا وزوجي ان اقدم علي فيزة سياحه او زياره واذا وافقو واعطوني الفيزا سأذهب له هناك وبعد الولاده مباشرةسوف اعود لبلدي
احنا قررنا ان الحل الوحيد بالنسبه لنا ان ا قدم علي الفيزا للزياره والسياحه عشان علي الاقل اسافر لزوجي كل سنه لمدة 3 شهور مثلا حتي تمر فترة الخمس سنوات ويحصل علي الفيزا
لأن عمله لن يسمح له بالنزول لمصر الا قليل يمكن كل سنه شهر او يمكن اقل
ويعلم الله اني مكنتش هقعد في امريكا اكتر من مدة الفيزا اللي هي 6 شهور بس لا يعلم النيه غير الله
حرام بجد اللي بيحصل فينا ده
انهم يحكموا ويتحكموا فينا بالشكل ده ويحكمو علي واحد انه يعيش بدون زوجته واولاده الا عندما يسمحون له بذلك
ليه الذل ده
اشمعني بلدنا بترحب بكل الناس اللي تيجي من عندهم وبدون اي مقابلات ولا شيء وهما يفعلون بنا كذا
العمر فيه كم 5 سنوات حتي يضيع بعيد عن زوجي واحنا اصلا من اول ما عرفنا بعض واحنا علي طول بعيد عن بعض حتي ايام الخطوبه يعني لو حسبت في ال10 سنوات اللي عرفنا فيهم بعض احنا عشنا مع بعض أد ايه
هلاقيهم يا دوب كام شهر
بجد انا حزينه جدا ولا يعلم بيا الا الله
وبالنسبه للأخوات اللي بيقترحوا علي اني اقدم تاني
فللأسف في مشكله انتو مش واخدين بالكو منها
اني لو قدمت بعد الولاده هتكون بنتي طبعا حامله لاسم ابوها والبسبور بتاعها سيكون مسجل فيه الاسم بالكامل هيعرفوا انه هناك فمش هيوافقو اصلا اعطائي الفيزا
وكمان حتي لو معرفوش هيطلبو مني بسبور الزوج حتي لو قلتلهم انه في مصر مش هعرف اجيبلهم البسبور بتاعه لانه موجود فيه تأشيرة امريكا
انا بجد في حيره من امري
دي كانت الفرصه الوحيده اللي في ايدي وللأسف ضاعت مني ومفيش حل تاني غير اني اضيع سنين من عمري انا وجوزي بعيد عن بعض الا اذ ربنا بعتنلنا معجزه من السماء تقرب بيننا

سلومي115
سلومي115
غيري السفارة
اذا اللي رحتيها اللي في الرياض روحي الظهران والعكس صحيح


خصم يصل إلى 25%