- ومسار رحلتي بيكون :
- الرياض > روما ( ترانزيت ) > فينيسيا
السلام عليكم ورحمة الله وبركاته
صباح الخير على الجميع
حبيت أسألكم عن شيء حصل وحاب أشوف لو أحد صار له مثلي أو أحد جرب هالشيء .
أنا مرتب سفرتي بإذن الله لإيطاليا وسويسرا وفرنسا
وأكثر وقتي بيكون في سويسرا
ومسار رحلتي بيكون :
الرياض > روما ( ترانزيت ) > فينيسيا
يعني وصولي بيكون على إيطاليا بإذن الله , ولما قدمت على الفيزا الإيطاليا رفضت البنت تكمل الإجراءات لأن أكثر مدة إقامة لي ما راح تكون في إيطاليا , فلذلك ما طلعتها لي قالت قدم على الفيزا السويسرية بحكم ان فترة جلوسك فيها أكثر من إيطاليا و فرنسا !
رغم اني وضحت لها اني بأنزل في إيطاليا ولكن اعتذرت تقول هذا النظام الجديد .. رحت كلمت مديرهم وشرحت له وقال خلاص نطلعها لك من السويسرية وقلت له أنا بأنزل في فينيسيا , قال عادي
لأنه يقول النظام الآن البلد اللي تجلس فيه وقت أطول هو اللي تطلع منها الفيزا
وأنا بصراحة معطيهم خطتي بالتفصيل وحاجز وخالص للفنادق يعني خطتي واضحة ..
ف أوراقي الآن عند السفارة السويسرية من يوم 5 أغسطس , لها الآن 12 يوم. والموظف كان يقول لي تاخذ من 5 إلى 7 أيام عمل , والحين كملت 9 أيام عمل مع اليوم.
هل أروح لهم وأسأل عنها ؟ أو ماله داعي ؟
وضعي سليم ؟
لأنه شهر عسل ولا ودي أحوس نفسي والرحلة بإذن الله باقي عليها 4 أسابيع
وأنا على أعصابي بصراحة من ناحيتين !
السفارة السويسرية يرفضونها بحجة اني بأنزل في إيطاليا ثم أرجع وأحوس جدولي والحجوزات وكل أبو شيء
والخوف الثاني انها لو طلعت ممكن مطار فينيسيا ممكن يرفض دخولي بسبب ان الفيزا سويسرية
عطوني تجاربكم تكفون
