السلام عليكم ورحمة الله وبركاته
ان شاء الله راح نسافر ايطاليا في الاجازه القادمه في العيد
فحبيت اني اخلص كل الامور الي متعلقه بالسفر قبل رمضان
والحمد لله كلها تمت على خير
بخصوص الفيزا كنت خايفه جدا من السفاره الايطاليه
لاني سمعت ان معاملتهم مش ولا بد ويصعبون الامور وطلباتهم ماتخلص
ولكن الصراحه تفاجأت جدا جدا من تعاملهم
سلسين لابعد الحدود ومن كثر بساطة الاجراءات حسيت ودي اروح بعد اسوي فيزا ثانيه ههه
كل الي عليك توديه صوره شخصيه بخلفيه زرقا
تأمين صحي
حجوزاتك (طيران + فنادق)
وانك تعبي الابليكيشن لطلب الفيزا
وتذكر ان مب كل شي لازم تعبيه
انا حاولت اسوي الي اقدر عليه والباقي خليته
ولما رحت لهم ماقالوا شي
النقطه الثانيه الي كنت خايفه منها ان الفيزا الي كنت بسويها هي في الواقع مب لي
كانت للوالده الله يعطيها الصحه والعافيه
فاول ماوصلت للشباك قلت للموظفه ترى هذا مب جوازي جواز الوالده وهي تعبانه ماقدرت تجي