السلام عليكم ورحمة الله وبركاته
كيف حالكم اخواني الاعزاء ؟
الحمدلله تم التقديم عن طريق السفاره النمساويه بحضوري شخصيا وهذا كان الكلام في يوم الاربعاء
تاريخ 1/9/2010 ولكن كانت ناقصه بعض اوراق تأكيد الحجز لبعض الفنادق ف يعني ما اكتملت الاوراق وما ارسلوها للقنصليه الا في تاريخ 4/9/2010 ..
وأول يوم داوموا فيه اللي هو يوم الأثنين تاريخ 13/9/2010 .. جاني اتصال منهم ويقولون تعال استلم جوازاتك يعني اخذت الجوازات بالظبط 9 ايام وجهزت.
والله اني كنت شايل همها بالحيل .. بس الحمدلله يوم رحت للسفاره بنفسي وشفت الامور جدا بسيطه ومافيها اي تعقيد .. والصراحه الفضل من الله ومن بعده اخواني اللي بالمنتدى وضحوا كل شي ولا خلوا صغيره او كبيره الا وتكلموا عنها .
وصحيح اني اعتبر نفسي متأخر جدا جدا في استخراج الفيزا لان تاريخ سفرتي تاريخ 20/9/2010
يعني حتى اللي هناك اللي اسمه علي استغرب قالي انت جاي متأخر بس الحمدلله ان كل اوراقك اوكي وبتخلص والقهر ماعطوني الا شهر واحد بس ... يمكن علشاني اول مره استخرج فيزا الشنقن.
دعواتكم بس ان ربي يسهل هالسفره لاني اول مره بروح للنمسا والمانيا
وأي استفسار انا حاضر
تحياتي لكم // محمد