وش دعوه اكثر من هالاثبات وش تبون

صور روعه
شوقتنا وحمستنا لتقرير
نستناك ع احر من الجمر

هذا موقف شبه عام لكنه يقفل يعني ان تأخرت مالك الا ثاني يوم يفتحون لك واوقاتهم حسب مافهمت من الصورة من الاثنين الى الخميس من 8 الصبح الى الساعة 4 العصر وبعد هالوقت تقريبا مايسمحون لك توقف ( اغلب الظن مااجزم ماادري بصراحه )
ويوم الجمعه من 8 الصبح لين اثنعش 12 الظهر
بس ماقلت وين فيه هالموقف العقده هذا !! اذا في زيلامسي ادلك على واحد مجاني بس انت وحظك تلقى محل لو لا واغلب الاوقات تلقى وقريب ورا فندق قراند والسوق مقابل علاء الدين ماادري على بابا عند البقالة التركي الي بالوسط زي الدوار كبير
وقبله على اليسار مقابل المحطة الي توقف فيها الباصات الي فيها صيدلية مواقف حلوه ونظيفة ورخيصه
وحط في بالك ترى فيه مواقف فيها كم ساعة مجانية تقريبا من االساعة 6 المغرب لين 7 او 8 مثلاً تلقاها مجانية وتلقاها مكتوبة على المكينة حقت التكت
هذا والله يوفقك اما الصور ..... شي
ننتظرك لما ترد بالسلامة

^^
بيض الله وجهك يا السمي .. بس التخمين ما يكفي
ننتظر أصحاب الاختصاص ليشرحوا ما في جعبتهم
كل الشكر لمن خط حرف ..

^^
هذي المواقف يالسمي .. خل علي بابا على يمينك و طبعا القراند خلفك
أدخل يمين و 5 أمتار تقريبا يجيك على اليمين و أذا دخلت المواقف أصلا تشوف القراند قدامك مباشره ,,,,

هلا فيك
هذه مواقف زرقاء بحواجز
واللي اعرفه المواقف الزرقاء االتي بدون حواجز يحق لك الوقف فيها لمدة ساعتين بعد ضبط الساعة التي تأتي مع السيارة ووضعها على طبلون السيارة
وتكون غير مقيدة من 1 ظهرا حتى 4 عصرا
ومن 8 مساء حتى 8 صباحا
بس مواقفك هذه ليست مجانية وأنما بمبلغ وقدره
واكثر وقت مسموح لك الوقوف فيه هو 3 ساعات
وموضح في جهاز التذاكر قيمة المواقف
مثل الساعة ب 0.60 يورو
وال3 ساعات ب 3.60 يورو
ولو حاب تتوسع في هذا الموضوع
افتح هذا الرابط ومخمخ عليه *_*
موضح لك مواقف النمسا التي مثل موقفك
http://www.arboe.at/uploads/media/Kurzparkzonen_Oesterreich.pdf
وصراحة الصور رائعه جداً
والتقرير منظرينه منك
وصح بغيت اسألك االيوم نزل عليكم ثلج في كابرون وزيلامسي

^^
هلا بخبيرنا الغالي العزيز .. ابشرك الثلج يوم السبت و الاحد .. صراحة ما تقدر تنفس بس تدور الدفى خصوصا لا صرات عائله
و بخصوص المواقف و الله شغلي عشوائي مره اوقف بدون تذكره و مرات بدون فلوس و مرات بفلوس
صراحة انلحست لان اللي اشوفهم مره يقصون تذكره بدون ما يدفع يعني مكتوب على التذكره 0 eru و مرات ناس تدفع
و مرات ناس موقفه بدون ما تحط تذكره اصلا يعني تنلحس غصب طيب
و انا مدرعم و اقلب هالراس يعني اني فاهم و ان من جنبها
و على هالطاري يوم بفيينا رحت اوقف عند عماير سكنيه و اخوف حبيب شاف الموقف فاضي
صرت راعي محل لبقت على طول و لا فيه مكائن او خطوط
و طبعا مدرعم رايح لساحة ستفنز الله لا يعيدها .. رجعت و لقيت مخالفة 21 يورو .. و لا يوم أنزل لقيت اصلا تفتيش بعد ما وقفت و امر اسلم عليهم
و بعدها نزلت اشتري بطاقة و نسيت اسحب الجلنط و المدام فيها و دحدر الموتر و صدم اللي قدام و ما اسوف الا صوت المره تناديني
بصوت عالي
بس الحمد لله لمسه لمسه بس دفه خفيفه .. يارجل خلها ع ربك
و الرابط اللي فوق و الله مافهمت شي