أقترح تذهب لشلالات ترمبل باخ تذهب لمحطة luterbernnan وخلف المحطة تجد موقف باص ( بجانب مدخل التلفريك ) يذهب هناك كل نصف ساعة ومدة الرحلة 15 دقيقة.

فيه قمه اسمها grindelwald-first بقرية GRINDELWALD بصراحه روعه التمشيه هناك بين السحاب والغيوم و شلالات صغيره تمدد رجولك فيها ومسارات للتمشيه والاستكشاف وفيها لعبه جديده مقعد مربوط بكيبل تجلس و ينزل فيك من القمه بالهواء الطلق بصراحه جمده اليوم بس متعه
التذاكر غاليه للصعود والعودة للاسفل تقريبا 550 ريال لشخصين مع قسيمة ركوب للعبه مره واحده فقط وتقدر اذا معك سويس هاف تحصل على خصم
اذا بتروح البسو تراها برد واخذو معاكم غداء وقهوه ووسعو صدوركم وترى فيه عدة تلفريكات بالقريه انتهبو لقمة افرست
وعندك لوزرين حلوه وكمان اوشن سي حليوه بقرية كاندرسيج وعندك بالبحيرة الزرقاء واذا معاك سياره اتمشى واستكشف بنفسك
قبل يومين وانا طالع لقرية كاندرسيج تركت المنعطف وبعده وقفت عند كونتر طلب مني25 فرنك عطيته ودخلت مع الناس طبعا عطاني برشور لبحيره نسيت اسمها المراد لما دخلت مع الناس ومع الطوابير انتبهت واذا نا ندخل بالسياره بعربات القطار حرك القطار بنا حنا داخل السياره لقريه ثانيه نسيت اسمها اتمشينا بالبحيره وبالقرى هناك وردينا العصر كمان ب25 على القطار هالقطار يذكرني بقطار فرنسا الى بريطانيا اذا تعرفه
الي فهمته ان هذا القطار يقدر ينقلك انت وسيارتك يختصر لك مسافات طويله يقطعها هو داخل الجبل حتى لما قريت البرشور قريت ان في قطار يوديك لقريه نسيت اسمها تقدر تروح منها الى ميلانو الايطاليه ولما سئلت الموظف عنه قال القطار هذا ما يتحرك الا بالويك اند فقط وفي فترة الصباح

العضو الناري شكلك خبير و حنا ما ندري اسفيدو من المعلومة