نشر في بريطانيا

في بريطانيا 6 اشهر

baderol

30-09-2022 - 07:47 am

السلام عليكم سوال اخواني
لو بقعد في بريطانيا من خلال شقة استاجرها 6 اشهر لكن انا موطالب ولا اعمل في بريطانيا
وفيزتي سياحية هل في مشاكل؟ والا عادي؟ ولو في مشاكل جم الحد لي المسموح بالزيارة الواحد حق بريطانيا؟ الصراحة انا ناوي اقعد 6 اشهر بس مادري لو مسموح مو مسموح , راح ادفع ضرايب والا شلون , ياليت الخبير يعلمني

التعليقات (9)

أبــوعبدالله

30-09-2022 - 10:47 am

ياهلا وغلا فيك اخي الفاضل هل تقصد عن الشقه الوضع عادي انا قعدت سنه كامله بالشقه مدام تدفع الايجار الاسبوعي ماشي امورك
والافضل اذا معزم تقعد 6شهور شقه اخذ نظام العقد الماي والكهرباء عليك بس يكون السعر ثابت*

baderol

30-09-2022 - 11:48 am

اهلين ابو عبدالله الصراحة انا شفت نظام الاجار بالشقة المختارة بالانترنت شهري مو سبوعي
خارج لندن , لكن ابي اسالك هل في ضرايب ادفعها ولا اعامل كمعاملة السائح؟

أبــوعبدالله

30-09-2022 - 12:49 pm

اخي الفاضل انا شخصيا ساكن بشقه سنه بشارع اجور رود شقق الويست ان كي خلف فندق هلتون متربول لا ضريبه ولا شئ
والافضل تاخذ اول يومين فندق وتشوف الشقق بعيونك

موادع1

30-09-2022 - 01:50 pm

حياكم الله
نفس ماقال بوعبد الله
خذلك فندق كم يوم وبعدها انزل على شارع العرب وشوف المكاتب وهم بيدلونك على الشقق المتوفرة
انا خذت شقة 7 شهور وكل شي عليهم في البيكر استريت

baderol

30-09-2022 - 02:51 pm

شكرا موادع بس انا ماني ساكن داخل لندن وماحب التعامل مع العرب هناك اغلبهم من سمعوا اني خليجي يحسبون الملايين بحسابي
شكرا لكم جميعا ماقصرتوا اهم شي عرفت انه مافي ضرايب ادفعها وحالي حال السايح

البادية والضفاف الساحلية

30-09-2022 - 03:52 pm

إذا أقمت ل 183 يوما خلال أي سنة مالية فيجب عليك دفع ضرائب.. وبشكل عام فإنك تدفع ضريبة البلدية إذا استأجرت شقة من مالك

baderol

30-09-2022 - 04:53 pm

م بدت الردود تتضارب
انا خلال 2012 رحت لندن لشهر كامل , يعني الحين مومسموح لي اقعد اكثر من 150 يوم؟
الحين شسوي اجر الشقة ولا اروح السفارة اسالهم شنو الاجراءات؟؟؟؟

البادية والضفاف الساحلية

30-09-2022 - 05:54 pm

إذا أقمت في بريطانيا ابتداء من 6 أبريل 2012م حتى 5 أبريل 2013م لمدة 183 يوما فإنك في نظر القانون البريطاني مقيم ويتوجب عليك دفع ضرائب
الضرائب تحتسب على الدخل المتحصل من الاستثمار أو العمل
تأشيرة الزيارة تمنحك حق البقاء في المملكة المتحدة 180 يوما متواصلة ويجب عليك الخروج والعودة لبدء 180 يوما جديدة وهكذا
إذا استأجرت عقارا من مالك يتوجب عليك دفع ضريبة البلدية إلا إذا كنت طالبا بدوام كامل

baderol

30-09-2022 - 06:55 pm

البادية انا جلست في ابريل 2012 شهر ورجعت الكويت , الحين بروح لندن 6 اشهر اوكي قولي اقعد اقل من 180 يوم قبل لايلخصون ارجع الكويت , جذي كل اموري اوكي ولا في مشاكل؟ والمستاجر راح يطلب مني ضريبة شلون راح يسالني شنو سبب الايجار والا شنو؟ للعلم فيزتي سياحية تنتهي بعد سنة ونص

بريطانيا المسافرون العرب

في بريطانيا 6 اشهر