المواقع هذي نكبة انتبة منها لانها تكون وسيط بينك وبين الشركة وفية تجربة لاحد الاخوان ذكرها لاكن ما يحضرني اسمة اذا تدور بالمواضيع تحصلة
انتبة انتبة اخذها دايركت وخلاص

انا حجزت عليه اكثر من مرة سواء لي او لاخواني وكان جدا ممتاز واسعاره خيالية غير الهدايا التي يقدمها علما انني حاجز من عندهم الشهر القادم بجنيف واول ماتحجز حيراسلوا الشركة المؤجرة اذا فيه امكانية او لا ويرسلوا لك الفوتشر باسم الشركة المؤجرة وبعدها لكي يطمئن قلبك اتصل على رقم الشركة وأسألهم اذا اسمك موجود او لا مع تمنياتي لك بالتوفيق

انا جربتهم
حاجز منهم سيارتين قبل ثلاث شهور تقريبا , في ألمانيا , حق سفرتي في شهر جون القادم
وكان الحجز على يورب كار , واتصلت في يورب كار عشان اتأكد ان الحجز فعلا حقيقي وردوا عليه وفعلا كان حقيقي
وطلعت قبل ثلاث اسابيع ألمانيا , وحجزت منهم ايضاً سيارة صغيرة , و كان الحجز على اينتربريس , واسلمت السيارة من عندهم وبدون اي مشاكل
الموقع جيد جداً ودعمهم الفني ايظا جيد , يردون عليك بسرعه و موجودين في اللايف شات على طول
لكن انا بنصحك نصيحة , اذا جيت تستأجر لا تاخذ عرض التأمين بدون نسبة تحمل يعني اللي اذا صار حادث ما تدفع ولا شي
خذ العرض العادي , اللي تدفع مبلغ تحمل بحدود 700 الى 1000 يورو اذا صار لك حادث
واذا جيت تستلم السيارة , اطلب من شركة التأجير نفسها تضيف لك ترقي لك التامين الى بدون نسبة تحمل
هو راح يكلفك اكثر اشوي لكن راح يكون افضل لك وأأمن لك والسبب اني سمعت ان تامين التغطية حق الموقع ما يشمل كل شيء عكس تأمين شركة التأجير نفسها

اخوي مساء الخير
انا استأجرت من rentalcar قبل شهر في فيينا مدري هي نفس الشركة الي تتكلم عنها او لا عموما السيارة راح تحصلها ان شاء الله بس المصيبه في المبالغ الطائله الي راح ياخذونها منك بحجة تأمين وخراط فاضي انا اخذوا مني اربعه الالف ريال فوق مبلغ التأجير ولهاللحظه باقي مارجعت ومدري متى ناوين يرجعونها ترى مهما يقولون لك يبقون غير واضحين ولا متأكدين لانهم وسيط وعند استلام السياره يتشرطون عليك ،،،
صل استخاره ولاتيشل هم بالتوفيق

الله يعطيكم العافية اخواني جميعاً .. يعني ان شاء الله هذا الموقع ثقة؟
بالإضافة إلى هذا الموقع arguscarhire
وكل الشكر لكم

السموحه على المدخلة..جرب هل الشركة
http://www.carhire3000.com/
ابو محمد يتعامل معاهم من زمان والحمدالله تعاملهم ممتاز..