امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
sarah24_76
26-10-2022 - 10:05 am
السلام عليكم،
طبعا موضوع الفيزا مادري ليش مسوي قلق وخوف فينا على شنو ما دري تصدقون
ما أحاتي إلا هالسالفه وباقي الأمور ميسرة والحمد لله
طلبي بس حبيت إذا في أحد من الأخوة الأعضاء خاض تجربة المقابلة في سفارة أمريكا في البحرين يذكر لنا إش صار معاه ويعطينه فكره كامله عن هاي التجربه أكون شاكره له.
والله يوفق الجميع يارب


التعليقات (8)
همس الليل
همس الليل
مراحب الغاليه ،،
شوفي ، انتي من تستكملين كل شي ، وتروحين السفاره،
بيدلونج وين تروحين ، مش نفس طريقه السفارة البريطانيه الجديده..
من تدخلين تصفين دور عند كونتر 1
تقدمين الاوراق وتدفعين ، بينادونج كونتر 2 للبصمات ، ووتنتظرين المقابله كونتر 3 (بينادونج).
عاد ياخذ وقت استحملي
المقابله/ انا مقابلتي ما كان ناقصها شي ابدا ،، بس الموظفه تدخلت في امور السكن وقلت لها ما حجزنا !
لي خذنا الفيزا بنحجز .. وتدقق في اوراق البنك ، وقالت تضنين يكفي المبلغ اللي عندج؟ مع انه عندي!!
اسئلتها استفزازيه ، (مع ان محذريني انها بتسألني هالسؤال لانهم سألو الكل هسؤال) .. !
هم ما رفضو ، بس طلبو زياره جديده وفوقها طلبو استماره 157
ولما وديتها ما كان فيه مقابله ، مجرد تسليم اوراق ..
  • بنت عمي وافقو على طلبها ، مع ان ستيتمنت البنك فاضي !
  • زميلي في الدوام رفضو فيزته بالاول مع انه رئيس قسم وراتبه عالي !
  • يعني حظك نصيبك مثل ما نقول

ملحوظه / اذا موظف اهون من الموظفه .... للعلم فقط
وموفقه ان شاء الله ..

sarah24_76
sarah24_76
همس الليل يعطيج ألف عافيه على ردج السريع لي
يارب تعدي على خير إن شاء الله وموضوع الحجوزات آنه بعد رايحه بدون أي حجز خل نضمن الفيزا أول شي وبعدين إصير ألف خير.
عندي سؤال إذا ما فيه كلافه-الكل يقول لازم يكون في الحساب مبلغ ممكن تقولين لي بحكم تجربه لزوجين وطفل كم ممكن المبلغ المتوقع يكون موجود في حسابنا لأن والله أبغي أخلص من هالسالفه وما بغي روحه وييه.
وثاني شي آنه معزمة أقعد 3 أسابيع بس يمكن أزودها فهل لما أذكر في السفارة فتره لازم ألتزم بها.
يعني كتبت أسبوعين ملتزمة إن رحلتي بالفعل تكون أسبوعين.
أدري كثرت من الأسئلة فسامحيني والله يجعله في ميزان حسناتك.

sam963
sam963
تفضل تقرير الاخ طلال البحرين عن المقابلة مع السفارة
https://artravelers.com/p/re/234570

همس الليل
همس الليل
مراحب اختي ..
اذا بتطلعين الفيزا لكم انتو الاثنين ودو الستيتمنت لكم انتو الاثنين ،
وهو الستيتمنت حظك نصيبك ، بس اذا رصيدكم انتو الاثنين كافي ما اتوقع يرفضون !!
وبالنسبه للفتره ، انا كتبت for about 3 Weeks خفت احدد واتوهق !
بس قالولي عادي ما بتفرق المده .. وحتى حجز الفندق ما بيوهقونج ،
وفي ناس توسوس وتروح تاخذ حجز مبدئي من مكاتب السياحه ..
واي خدمه ثانيه حاضرين ..

sarah24_76
sarah24_76
همس الليل يعطيج ألف عافيه على تجاوبج معاي

cooool
cooool
Sara
كانت المقابلة مالتي في شهر 8 انة و صديقي و كانت كلش عادية و عطوني الفيزا عقب شهر من المقابلة و رفيجي في 3 ايام و كان التخطيط حق الرحلة نفس الشي و المبلغ الي في الحساب نفس الشي
و حاولي تاخذين موعد الساعة 8 اول موعد عشان اخلصين من وقت و كوني هناك قبل الموعد ب 20 دقيقة
و في الفورمة كتبي خط الرحلة و مايحتاي حجز ولاشي و لا تقولين لهم يمكن اتمدديم اكثر من 3 اسابيع و لين وصلتي قعدي شهرين
و اي خدمة حاضرين

sarah24_76
sarah24_76
مراحب أخوي cooool ويعطيك ألف عافيه على تجاوبكم معاي
ممكن تذكر لي شنو سألوك بالضبط في المقابلة وهل كانت بالعربي وإلا الإنجليزي
مشكور وباقصرت

cooool
cooool
هلا اختي
المقابلة كانت بل الانجليزي معا وحدة امريكية
اول شي صبحت على و ابتسمت
قالت ليش تبي تروح امريكا و وين بتروح في امريكا و كم المدة في كل منطقة؟؟
رديت عليها باروح اجازة لوس انجلس و فيقس و المدة قالت ليش بتروح فيقس و لوس انجلس
قلت لها فور فن
عقب سألتني عن مجال شغلي
رديت عليها و قامت تسألني عن الشغل شوي جم سنة تشتغل
قالت تعال اخذ الفيزا بعد 3 ايام
وبعدها قالت الفيزا مالتك اوكي بس باقي على سفرتك اكثر من شهر و راح انكلمك .. مادري ليش غيرت رايها
و كلموني عقب شهر قالولي تعال و يب جوازك اخذ فيزتك و بعدها ب 3 اسابيع سافرت و رديت بسلامة
كل المقابلة كانت اقل من 10 دقايق
رفيجي في 3 ايام عطوة الفيزا
اي شي تبين اختي ترى انة حاضر


خصم يصل إلى 25%