أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ويالله ياخوي فندق وبهالسعر صعبه
بس سويت حجز وهمي من موقع بوكينق ل فندق اليت سويت
وهو نظام شقق فندقيه نظيفه وعائليه (4 نجوم)
لقيت السعر ل الليله الوحده 450 ريال مع الافطار بس ماعندي فكره عن الحجز مباشره من الفندق
وسمعت عن مجموعة اليت انها مرنه بالاسعار وممكن تسوي تخفيض
هلا بالغالي
اخوي ماعليش يمكن انا مابينت وجه النظر ....
الموضوع عادي شقه فندقيه والا فندق اهم شي يكون نظيف ومواقف سياراته
ولا يكون فيه بار ودسكو .... الخ علشان ناخذ راحتنا على اكمل وجه ياليت الصووره وصلت
هلابك اكثر اختي مززون ومايحتاج البحرين اهلنا وديرتنا الثانيه
طيب فيه سؤال ..... فيه مطعم بمول السيف شلون اوصفه اتوقع انه صيني يجي بزاويه وقريب من عنده مدخل
حق السينماء بسأل عن اسمه وكيف اكله ...... اذا ماني متوهم انه قدام دونات كرسبي ....
س ثاني معليش ... انا اول مره اجي مع زوجتي انا ودي اتمشى فيها يعني بعد المولات وش تنصحوني
وودي لو فيه مطعم على البحر كويس بس اهم شي مايكون غالي ( نار ) ....
وودي بمكان زي الهاف مون اللي بالشرقيه يعني بعد الساعه 11 بالليل اروح اقعد هناك او شاطي ؟
شاكر لكم
طيب فيه سؤال ..... فيه مطعم بمول السيف شلون اوصفه اتوقع انه صيني يجي بزاويه وقريب من عنده مدخل حق السينماء بسأل عن اسمه وكيف اكله ...... اذا ماني متوهم انه قدام دونات كرسبي .... انت منت متوهم .. انت قصدك مطعم رانديفو .. بس هو مب صيني .. هو بوفيه منوع .. لكن عن نفسي ماأحبه الله يدوم النعمه .. انصحك بالمطاعم اللي عند مجمع العالي .. مثل نينو وليلو ونيو اسيا .. وفي عند تقاطع مجمع السيف كافيه ومطعم لاشوكولا .. البيتزا عندهم روعه واذا حاب صيني ممكن تروح مطعم ميموريز بالستي سنتر .. او مطعم فولي او هونغ كونغ بمنطقة ام الحصم .. واذا تحب السي فود عندك مطعم توتالي فش بالستي .. س ثاني معليش ... انا اول مره اجي مع زوجتي انا ودي اتمشى فيها يعني بعد المولات وش تنصحوني يعني عندك المولات مثل الستي سنتر والسيف والعالي والمودامول .. بعدها ممكن تتمشون على كورنيش النادي البحري او الملك فيصل واذا تدل المطار في على نفس الطريق كورنيش وايد حلو اسمه دوحة عراد وانصحك تروحه متأخر ويوم عادي مو اجازه .. وودي لو فيه مطعم على البحر كويس بس اهم شي مايكون غالي ( نار ) .... في عندك مطعم ومقهى الشراع على كورنيش الملك فيصل .. وفي مطعم والله ناسيه اسمه على كورنيش النادي البحري على شكل سفينه وعموما الاثنين مو ذاك الزود يعني اكلهم عادي ويمكن الثاني يكون غالي شوي ..
المطار ( الكورنيش ( ما ادله وين موقعه بالضبط واذا تقدرين توصفين لي من عند ستي سنتر ....
وانت طالع عالشارع العام والستي يكون على يسارك تطلع عالكبري وتروح سيده لايمين ولايسار وراح تعدي
على 4 اشارات وبعدها تركب على كبري ثاني وتروح كمان سيده .. راح تصادفك بعد اعتقد 4 اشارت
وانت مواصل سيده لين توصل الى دوار المطار خذه سيده وراح تشوف المطار على يسارك وبعدها يجيك دوار
ثاني صعنون خذه يمين وراح يكون على يسارك فندق الموفنبيك وعدي شويه راح تلقى مدخل دوحة عراد بعده طوالي
بخصوص السكن وين تنصحيني اسكن بالجفير والا المعارض والا مدينة الذهب ....
المعارض ومدينة الذهب ابعد عنهم مافيهم ولافندق او شقه عائليه ..
ممكن بالجفير لكن تتأكد انه للعوايل ... ومثل مارشحت لك فندق ايواء قريب على الستي بعد دوار اللؤلؤ ..
الشارع اللي زي الشانزلزيه وين موقعه بالضبط وهل يستاهل الواحد يروحه له ومتى يقفل المحلات فيه ممكن الوصف ....
اعتقد انت تقصد شارع المطاعم اللي بالجفير !! لا عادي مو ذاك الزود ..
او انك تقصد شارع احمد الشيراوي اللي بالعدليه وماهو شبيه بالشانزليزيه لكنه يستحق التجربه
هالموضوع فيه الفايده ان شاءالله >>> https://artravelers.com/p/re/286919
بس سويت حجز وهمي من موقع بوكينق ل فندق اليت سويت
وهو نظام شقق فندقيه نظيفه وعائليه (4 نجوم)
لقيت السعر ل الليله الوحده 450 ريال مع الافطار بس ماعندي فكره عن الحجز مباشره من الفندق
وسمعت عن مجموعة اليت انها مرنه بالاسعار وممكن تسوي تخفيض