عدد الاشخاص اخوي ؟؟
وهل الرحله شبابيه ام عائليه ؟؟
وانتظر الاجابه بعدها !!

هلا خوي عاشق الشلالات الرحلة شبابية العدد 2 ويمكن تصفى على اخوك لوحده وماعندي مشكلة في هذا سبق وسافرت اكثر من مرة لوحدي

ريان11
هلا بك يااخوي ريان .
شوف جزيرة بالي سهل جداً ترتب فيها .
جدول كامل متكامل .
المهم انت وش تبي بالضبط من برامج .
طبيعه خلابه مغامرات شلالات الخخ .
وكل هذا يرجع للسواق .
انت ترتب معاه كل شي .
كل يوم مكان .
وكل يوم اكتشاف جديد في بالي .
اعطيك نبدة مختصره عن جلوسي في بالي .
سبعه ايام وسته ليالي .
اليوم الاول . يوم الوصول واختيار السكن .
الثاني . يوم كامل في الالعاب البحريه بشاطئ نوسا دوا .
الثالث . منطقة انغلونغ الساحره ورحلة الرافتينغ ومزارع القهوه .
الرابع . شاطئ دريم لاند . يوم كامل .
الخامس . يوم الطبيعه . شلالات جتجت . بحيرة البودقول وبراتان .
تاناه لوت . بحيرة موندوك . جاتي لوي .
السادس . مدينة الروعه والخيال المدينه المائيه . الوتر بوم في بالي . يوم كامل .
السابع والاخير . ايضاً بحيرة البوقول وبراتان ومزارع الفراوله وشلال موندوك ومنطقة باتشونغ ومنطقة مانغوي .
وهكذا انت ترتب بنفسك اللي تبغاه .
وكل هذا يعتمد ع السواق اللي معاك .
انا كان معي سواق ممتاز اسمه احسان .
انصحك فيه كثيراً .
اخوي اغلب المناطق اللي رحتها مصورها ومنزل لها مقاطع صوت وصوره حتى
تقدر تآخذ فكره اكبر واكثر .
والسكن اهم مافي بالي .
ابعد عن كوتا .
انا سكنت قريب كوتا ولقيان .
واحسان يعرف السكن حقي .
واسمها شقق سارا ريزيورت . او سارا رزيدانت .
انتبه تغلط زي .
وتروح الجبل لوحدك .
جاكرتا حدها يومين وانت لوحدك .
ان شاء الله اكون افدتك بشي بسيط .
واي سؤال ثاني لا يردك الا يدك .
اخوك . عاشق الشلالات ..

جزاك الله خير اخوي عاشق الشلالات
اذا فيه امكانيه تحديد فنادق معينة على شاطي نوسادوا او مكان تنصحنا فيه من واقع تجربة وقريب من خدمات والشاطيء وكذلك ودي استفسر هل لابد من استخدام سائق خاص او فيه تكاسي وكيفه طريقتهم

ريان11
فيه فندق كلب ميراج 4 نجوم سعره فى حدود 300 الا 350 لليله وممكن تاخذه باقل لو حجزت بدرى
وعندك الفندخ الفخم جدا جراند ميراج فى نفس المنطقه 5 نجوم يبدا من 550 لليله

انا ياخوي ذهب اندونيسيا شهر 3 / 2011 وسكنت في فندق اسمه ميلستي روستورت 4 نجوم صراحة اعجبني قريب من شاطئ لقيان .. والفطور المطعم على البحر وقريب من شارع لقيان على رجلك ممكن 10-15 دقيقة . . ممكن تطلع عليه في مواقع الحجز بس معلومة اغلب الساكنين فيه اجانب من استراليا ونيوزلندا . اسعاره تقريبا اقل غرفة ستنادر 350 الف روبيه وبعدها في 500 الف روبيه . صناديق الامانات في الاستقبال ..
في فندق ثاني جديد تقريبا افتتح السنة الماضي اعتقد في شهر 1 / 2011 اسمه اماريس واقل سعر فيه تقريبا 350 الف روبيه وكل غرفه لها صندوق امانات .. بس ماسكنت فيه يعني اطلعت عليه لاني كنت ساكن في الفندق الاول بس رأيت بعض الاعضاء يمدح فيه ...
لكن كلا الفندقين فطورهم المفتوح جيد ولايرتقي اكثر من ذلك يعني تمشي فيه امور الفطور ...
واذا تبي سواق عندي رقم سواق امين ومحترم جداً اذا ممكن نضع رقمه ومشرفين المنتدى يضعونه في قائمة السواقين ..
واذا عندك اي استفسار الي عندي خلفية عنه او اذكره بقولك .
اتمنى لك سفرة موفقه بإذن الله ،،،

أخوي عاشق الشلالات وش معنى الواحد يبعد عن شاطئ كوتا ؟؟
هل هو غالي السكن فيه ؟ وإلا مزعج ؟ وإلا زحمة ؟ أنا والله ناوي أروح أجلس في بالي تقريبا 4 أيام والرحلة شبابية ؟ فما أدري وش أحسن وين نحجز السكن وهل فنادق أحسن وإلا فلل ؟

tof lof
اخوي معناه يبعد عن الزحمه .
اخوي انت رايح تستمتع ببالي .
يعني رايح زبدة اندونيسيا .
السكن في كوتا ليس مهم .
من وجهة نظري الشخصيه .
ومن تجربه عشت واقعها .
يعني الا والا والا السكن في كوتا .
كوتا مجرد شاطئ .
واغلبه اجانب من كل اجناس الدنيا .
واذا بتروح كل يوم شاطئ كوتا .
لا تروح اصلاً جزيرة بالي .
متعه جزيرة بالي .
انو كل يوم يكون لك برنامج سياحي معين .
مثلاً . يوم لشاطئ دريم لاند .
او سميه يوم السباحه .
ويوم للطبيعه مثل البحيراتان بودقول وبراتان وموندوك وجبل كنتماني وشلالات قتقت .
ويوم كامل للوتر يوم . (المدينة المائيه المدهشه في بالي )
ويوم كامل للالعاب البحريه بشاطئ نوسا دوا .
وهكذا .
اما حكاية السكن انا سكنت في شقق سارا .
السعر كان 850 الف روبيه باليوم .
تكفي اربعه شباب بالراحه .
وهي في كوتا (منطقة كوتا ) .
وتبعد عن الشاطئ 10 دقايق .
وقريبه جدا من شارع لقيان . (اهم شارع في بالي ) .
بصراحه ارتحت فيها .
ولو اطب بالي .
ماراح اسكن الا فيها .
واسمها سارا رزيورت . او سارا رزيدانت .
اما فنادق وشباب مره مايصلح بسبب صغر غرف الفنادق .
عكس الشقق تكون برحه ومريحه لكم .
والاهم من ذا في بالي .
لازم يكون معاكم سواق يومياً .
ولا تخلوا بالي ومتعة بالي تفوتكم .
لا تمشوا الرحله زي ماتجي .
كثير شفتهم راحو بالي وماعجبتهم .
لانهم من شاطئ كوتا للفندق ومن الفندق لكوتا !!
بالي . يعني طبيعه خلابه يعني شلالات يعني مغامرات ترفيهيه .
بالي مو مجرد شاطئ للسباحه فقط !!
ان شاء الله تكون وصلت المعلومه اخوي توفي لوفي .
واذا عندك سؤال ثاني اسال ولا يردك الا يدك .
اخوك . عاشق الشلالات .

ما قصرت أخوي عآشق الشلالات
طيب تعرف شقق هناك تتسع ل 4 أشخاص ؟وهل تعرف أرقام الشقق هناك وهل نحجز قبل ما نروح وإلا لما نوصل هناك لأننا بنوصلها تقريبا يوم 25 أكتوبر فما ندري هل هالأيام زحمة وإلا لا ؟
وإذا عندك رقم سواق تعرفه ياليت تعطيني
وكيف أسعار الشقق والسواقين في بالي ؟
أدري إني طولت عليك لكن قل الخبرة يجبرني